قاراعاندى وبلىسىنىڭ پروكۋرورى تاعايىندالدى

قاراعاندى وبلىسىنىڭ پروكۋرورى تاعايىندالدى, - دەپ حابارلادى باس پروكۋراتۋرانىڭ رەسمي وكىلى ءنۇردىلدا وراز. وسى قىزمەتكە بۇرىنعى كولىك سالاسىنىڭ باس پروكۋرورى ىبراي تىلەۋعاليەۆ تاعايىندالدى. "2016 جىلى 28 جەلتوقساندا باس پروكۋروردىڭ ۇكىمىمەن ىبراي تىلەۋعاليەۆ قاراعاندى وبلىسىنىڭ پروكۋرورى بولىپ تاعايىندالدى", - دەدى ءنۇردىلدا وراز. ەسكە سالايىق, اسقار سەكىشەۆ قاراعاندى وبلىسىنىڭ پروكۋرورى قىزمەتىنەن بوساتىلعان. "باس پروكۋروردىڭ 2016 جىلدىڭ 7 جەلتوقسانىنداعى بۇيرىعىمەن سەكىشەۆ اسقار اسانحان ۇلى قاراعاندى وبلىسىنىڭ پروكۋرورى قىزمەتىنەن ءوز ەركىمەن بوساتىلىپ, باس پروكۋراتۋرانىڭ قاراۋىنا تىركەلدى", - دەلىنگەن حابارلامادا. زاڭمەن بەكىتىلگەن مەرزىمدە وعان زاڭناما تالاپتارىنا ساي قىزمەت ۇسىنىلاتىنى حابارلانىپ وتىر.