«دامۋ» كاسىپكەرلىكتى دامىتۋ قورى» اق-نىڭ استانا قالاسى بويىنشا ايماقتىق فيليالى رەسپۋبليكالىق جانە جەرگىلىكتى باق وكىلدەرىنە پرەسس-تۋر ۇيىمداستىردى. ونىڭ اياسىندا "بيزنەستىڭ جول كارتاسى – 2020" باعدارلاماسى ارقىلى قولداۋ العان كاسىپورىنداردىڭ جۇمىسى تانىستىرىلدى.
سولاردىڭ ءبىرى - جەكە كاسىپكەر جانگۇل تەلباەۆانىڭ اياق كيىم شىعاراتىن كاسىپورنى. جەكە كاسىپكەر ءوزىنىڭ وندىرىسىنە قاجەتتى قۇرال-جابدىقتاردى ساتىپ الۋ ءۇشىن «دامۋ» قورىنان كەڭەس الىپ, مەمەلەكەتتىك باعدارلاماعا قاتىسۋعا ءوتىنىش بىلدىرگەن. نەسيە الۋ بارىسىندا «دامۋ» قورى بانككە كەپىلدىك بەرگەن. ءسويتىپ, باسىندا اياق كيىمدى شەتەلدەن تاسىپ جۇرگەن جەكە كاسىپكەر 430 مىڭ تەڭگە سۋبسيديا العان. سونىمەن قاتار "بيزنەستىڭ جول كارتاسى – 2020" مەملەكەتتىك باعدارلاماسىمەن «سبەربانكتەن» العان نەسيەسىنىڭ جىلدىق پايىزدىق مولشەرلەمەسى 4%-عا دەيىن تومەندەتىلگەن. بۇگىندە ج.تەلباەۆا ەرلەر مەن ايەلدەرگە ارنالعان اياق كيىمدەر شىعارۋمەن اينالىسادى. تسەح ونىمدەرىنە قولدانىلىپ جاتقان شيكىزات تا وتاندىق ءونىم. ول بىلعارىنى الماتى قالاسىنان, ءجۇندى كوكشەتاۋدان الدىرادى. كاسىپكەر ەندى Begim-Sulu Fashion Shoes اياق كيىم برەندىن تىركەۋدى جوسپارلاپ ءجۇر.
ال, «يۋۆەليرنايا كومپانيا Kazyna Gold» جشس اشەكەي بۇيىمدارىن شىعارۋ تسەحى 1994 جىلدان جۇمىس ىستەپ كەلەدى. اكەدەن بالاعا مۇرا بولعان اۋلەتتىك كاسىپورىننىڭ زەرگەرلىك زاتتارىنا سۇرانىس جوعارى. مۇندا كلاسسيكالىق ۇلگىدەگى اشەكەي ونىمدەرى زەرگەرلىكتىڭ قاتاڭ قاعيدالارىمەن جاسالادى. 2014 جىلدىڭ ءساۋىر ايىنان باستاپ, «KAZYNA GOLD» برەندى بويىنشا جاڭاشىلدىقپەن وتباسىلىق ءداستۇردى ساقتاي وتىرىپ, زاماناۋي ەتنو-ءستيلدى بۇيىمدار شىعارۋدا. كاسىپورىن وندىرىستە تەك وتاندىق شيكىزاتتى قولدانىپ وتىر.
كاسىپورىن «بيزنەستىڭ جول كارتاسى – 2020» مەملەكەتتىك باعدارلاماسىنا قاتىسىپ, «تسەسنابانكتەن» العان نەسيەسىنىڭ جىلدىق پايىزدىق مولشەرلەمەسىن تومەندەتۋگە قول جەتكىزدى. سول ارقىلى وندىرىسكە قاجەتتى ماتەريالداردى ساتىپ الدى. «دامۋ» قورىنىڭ ارالاسۋىمەن اتالعان جوباعا 698 مىڭ تەڭگە سۋبسيديا بەرىلدى.
ءبىر ايتا كەتەرلىگى, 2010 جىلدان باستاپ «دامۋ» قورى «بيزنەستىڭ جول كارتاسى – 2020» باعدارلاماسىنىڭ قارجى اگەنتتىگى رەتىندە, باعدارلامانى بەلسەندى تۇردە جۇزەگە اسىرىپ كەلەدى. التى جىلدا 7 مىڭنان استام قازاقستاندىق كاسىپكەر سۋبسيديا الىپ, كەپىلدىك رەتىندە مەملەكەتتىك كومەككە قول جەتكىزدى. ولارعا تولەنگەن سۋبسيديا مولشەرى – 138 967 ملن. تەڭگە. استانا قالاسىندا اتالعان مەملەكەتتىك كومەكتى 500-دەن استام كاسىپورىن الىپ وتىر.
جىل باسىنان بەرى استانا قالاسىندا نەسيەنىڭ بارلىق سوماسى 20 200 ملن.تەڭگەنى قۇرايتىن 71 سۋبسيديا كەلىسىمشارتىنا قول قويىلدى. كەپىلدىك بويىنشا 62 جوبا ماقۇلداندى. قول قويىلعان كەپىلدىك كەلىسىمشارتتارىنىڭ قۇنى 866 ملن.تەڭگەنى قۇرايدى. كاسىپكەرگە 2 640 ملن تەڭگە سۋبسيديا تولەندى.
اسىلبەك دوسالى