2020 جىلعا قاراي قازاقستانداعى بارلىق كىتاپحانا قورى ساندىق جۇيەگە وتەدى. اتالعان ساندىق جۇيە كىتاپحانا قىزمەتىنىڭ دامۋىنا وڭ ىقپال ەتىپ, ونىڭ قورىن قۇرۋ, ساقتاۋ جانە ودان ءارى دامىتۋعا جاڭا مۇمكىندىكتەر بەرەدى.
«بۇل قازاقستانداعى بارلىق كىتاپحانالاردىڭ بىرىڭعاي ەلەكتروندى كاتالوگىن قۇرۋعا كومەكتەسەدى. مۇنىڭ ءىزىن الا قازاقستان «تمد ەلدەرىنىڭ ەلەكتروندى كىتاپحاناسى» جوباسىنا قوسىلادى. بۇل جاعدايدا رەسەيلىك قورلاردا ساقتاۋلى تۇرعان ەرەكشە كىتاپتار ءبىزدىڭ ازاماتتار ءۇشىن دە قولجەتىمدى بولماق. سونىمەن ءبىر ۋاقىتتا رەسپۋبليكادا العاش رەت سيرەك ءارى ەرەكشە كىتاپتار مەن قولجازبالاردىڭ ورتالىعى اشىلادى», – دەپ اتاپ ءوتتى پرەمەر-ءمينيستردىڭ ورىنباسارى يمانعالي تاسماعامبەتوۆ.
ال وقۋشىلار ءۇشىن ادەبيەت ءپانى بويىنشا ۇزدىك زاماناۋي اۆتورلاردىڭ شىعارمالارى مەكتەپ باعدارلاماسىنا ەنگىزىلەدى. ەلىمىزدىڭ جاس تۇرعىندارىنا ارنالعان ادەبي شىعارمالاردى تەگىن جارنامالاۋعا ءمۇمكىندىك بەرۋ جاعى دا قاراستىرىلعان. الداعى ۋاقىتتا قازاقستاندىقتاردىڭ كىتاپ وقۋعا دەگەن قىزىعۋشىلىعىن ارتتىرۋ ماقساتىندا كىتاپ وقۋدى قولداۋ جونىندە ۆەدومستۆوارالىق كەڭەس قۇرىلادى.