سىر ەلىندەگى سىندارلى ىستەر

سىر ءوڭىرىنىڭ وندىرىسىندە دە وڭ وزگەرىستەر بارشىلىق. ماسەلەن, «شالقيا» قورعاسىن-مىرىش كەن ورنىن وڭدەۋ جوباسى قولعا الىنۋدا. الداعى ۋاقىتتا بۇل جەردە «سامۇرىق-قازىنا» اق جوبالارىنىڭ ءبىرى – كەن بايىتۋ كومبيناتى بوي كوتەرمەك. اتالعان قوعام 2014 جىلدان بەرى «شالقياتسينك LTD» كومپانياسىنىڭ ۇلەسكەرى بولىپ تابىلادى.  قىزىلوردا وبلىسىنىڭ جاڭا­قورعان اۋدانىندا ورنالاسقان «شالقيا» كەن ورنى 1959 جىلى اشىلعان. يگەرۋ جۇمىستارى 1982 جىلى باستاۋ الىپ, ۇزىلىستەرمەن جۇمىس جاساپتى. BrookHunt زەرتتەۋ كومپانياسىنىڭ مالىمەتىنە سايكەس, مۇنداعى كەن قورى قازاق­ستاندىق قوردىڭ 30 پايىزىن قۇرايدى. بۇگىندە كوزدەلگەن ماق­سات­تارعا قول جەتكىزۋ ءۇشىن كومپانيا قىزمەتكەرلەرى تالماي ەڭبەك ەتۋدە. قازىر كاسىپورىندا 500 ادام جۇمىس جاسايدى, ولاردىڭ 80 پايى­زى – جەرگىلىكتى تۇرعىندار. ءوڭىر حالقىن جۇمىسپەن قامتۋ ءۇشىن ءالى دە مىڭعا جۋىق جۇمىس ورنى ۇسىنىلماق. ال مامانداردىڭ بىلىكتىلىگىن ارتتىرۋ ماقساتىندا ءبىلىم بەرۋ جۇمىستارى دا قولعا الىناتىن بولادى. جۇمىسكەرلەر ءۇشىن قاجەتتى جاعدايدىڭ بارلىعى جاسالعان. جوعارى دەڭگەيلى ينفراقۇرىلىم, سپورت كەشەندەرىمەن جابدىق­تالعان جاتاقحانالار قولدا­نىسقا بەرىلەدى. قازىرگى ۋاقىت­تا ەۋروپالىق بانك­پەن قارجىلان­دىرۋ جايلى كەلىس­سوزدەر جۇرگى­زىلىپ, مەردىگەردى انىق­تاۋ جۇمىس­تارى ءوتىپ جاتىر. «كەن بايىتۋ فابريكاسى ىسكە قوسىلعان سوڭ تولىققاندى ءوندى­رىستىك قۋاتقا شىعاتىن بولامىز, 120 مىڭ توننا مىرىش پەن 25 مىڭ توننا قورعاسىن شىعارۋ كوزدەلىپ وتىر. ۇساقتاۋ مەن ۇگۋ جۇمىستارى قىمباتقا تۇسەدى دەپ كۇتىلەدى. كەن مايدا سەكپىلدى بولعاندىقتان, زاماناۋي تەحنولوگيالاردى قولدانۋ قاجەتتىگى تۋىندايدى. جوعارى قى­سىم بەرۋ ارقىلى ۋلتراۇساقتاۋ جاسالادى. بۇل كەننەن مەتالدى وڭاي الىپ شىعۋعا مۇمكىندىك جاسايدى», دەيدى كومپانيانىڭ باس بايىتۋشىسى ماناس جاقسى­لىقوۆ. 2018 جىلى بوي كوتەرەتىن كاسىپ­ورىننىڭ ءونىم قۋاتتىلىعى 500 مىڭ توننانى قۇراماق, ال كەلەسى جىلدارى كەندى يگەرۋ جۇمى­س­تارىنىڭ كولەمى 4 ملن تونناعا دەيىن ارتادى دەپ بولجانۋدا. جوسپار وسىنداي, دەگەنمەن ونى ەسەلەتىپ ورىنداۋعا دا مۇمكىندىك تە, قابىلەت تە بار. «سامۇرىق-قازىنا» ۇلتتىق ءال-اۋقات قورى قولعا العان اتالعان جوبانىڭ ەلىمىز ءۇشىن ماڭىزى زور. بۇل الەمدىك نارىقتا كوش باستاۋعا كەزەكتى قادام. دامير قوجامقۇل قىزىلوردا