ۇزدىك اقىندار ماراپاتتالدى

قاراعاندىدا, ەل تاۋەلسىز­دىگىنىڭ 25 جىلدىعىنا ارنال­عان شارالار اياسىندا, مەملەكەت جانە قوعام قايراتكەرى, ۇلتىمىزدىڭ ۇلى تۇلعالارىنىڭ ءبىرى جۇما­بەك تاشەنوۆ جۇلدەسىنە ارنال­عان «جىلدىڭ ۇزدىك اقىنى» وبلىس­تىق ءمۇشايراسى وتكىزىلدى.  جىر بايگەسىن ۇيىمداس­تىرۋ­شىلاردىڭ نەگىزگى ماقساتى – قيلى زاماندا ەل مەن جەرگە قورعان بولعان جۇمابەك تاشەنوۆ سىندى ءبىرتۋار قايراتكەردى كەيىنگى ۇرپاققا ۇلگى ەتۋ جانە پوەزيا الە­مىندەگى جاس دارىنداردىڭ شىعار­ماشىلىق تالپىنىستارىنا قولداۋ كورسەتۋ. شاراعا بەلگىلى ءانشى دو­سىمجان تاڭاتاروۆ, تانىمال ايتىسكەر ديدار قاميەۆ سىندى ونەرپازدار ارنايى كەلىپ, ءان مەن جىردان شاشۋ شاشتى. جەڭىمپاز-ءجۇل­دەگەرلەردى اقىنداردىڭ وزدەرى داۋىس بەرۋ ارقىلى انىقتادى. ناتيجەسىندە, جۇمابەك تاشەنوۆ جۇلدەسىنە «جىر جاۋھار» پوەزيا كلۋبىنىڭ جە­تەكشىسى جادىرا بايبۇلانوۆا يە بولدى. الدىن الا كەلىسىم بويىنشا, ءمۇشايرانىڭ ۇيىم­داستىرۋشىلارى جاقىندا جا­دىرانىڭ جىر جيناعىن شىعارىپ بەرمەك. سونىمەن قاتار, جىر كەشىنىڭ قورىتىندىسىندا ايزادا را­قىم­­­جانوۆا («جىلدىڭ ۇزدىك سىرشىل اقىنى»), الماز مىر­زاحمەت («جىل­دىڭ ۇزدىك جازۋشىسى»), ديدار قاميەۆ («جىل­دىڭ ۇزدىك ايتىس­كەر اقىنى»), سە­رىك ساعىنتاي («جىل­دىڭ ءۇز­دىك قايراتكەرى») ءتا­رىزدى اقىن-جا­زۋشىلار جەكەلەگەن اتالىم­دار بويىنشا ارنايى سىي­لىقتارعا يە بولدى. قايرات ءابىلدينوۆ, «ەگەمەن قازاقستان» قاراعاندى