«تۋريستىك قامقور» كورپوراتيۆتىك قورى شەتەلدە قالىپ قويعان قازاقستان ازاماتتارىن ەلگە قايتارۋ بويىنشا شارالار قابىلدايدى. بۇگىن ورتالىق كوممۋنيكاتسيالار قىزمەتىندە وتكەن بريفينگتە سىرتقى تۋريزم سالاسىندا قر ازاماتتارىنىڭ قۇقىعىن كەپىلدەندىرۋ جۇيەسىنىڭ نەگىزگى ەرەجەلەرى ءتۇسىندىرىلدى.
ينۆەستيتسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ دەرەگى بويىنشا, 2014-2015 جىلدارى جاۋاپسىز تۋريستىك نارىق وكىلدەرىنىڭ كەسىرىنەن كوپتەگەن وتاندىق تۋريستەردىڭ شەت ەلدەردە ورنالاسقان ورىندارىنىڭ اقىسى مەن كەرى قايتاتىن جول اقىلارى تولەنبەي قالعان. ەندى وسىنداي جاعدايلار ورىن الاتىن بولسا, «تۋريستىك قامقور» كورپوراتيۆتىك قورى شەتەلدە قالىپ قويعان قازاقستان ازاماتتارىن ەلگە قايتارۋ بويىنشا شارالار قابىلدايدى.
ەسكە سالا كەتەيىك, بيىل 7 قاراشادا قازاقستان رەسپۋبليكاسىنىڭ ۇكىمەتى تۋروپەراتورلاردىڭ وزدەرىنە جۇكتەلگەن مىندەتتەرىن دۇرىس ورىنداماعان جاعدايىندا وتاندىق تۋريستەردى ەلگە قايتارۋ ماسەلەلەرىن رەتتەيتىن, ياعني, ازاماتتارىمىزدى ۋاقىتشا قالىپ قويعان ەلدەرىنەن قازاقستان تەرريتورياسىنا الىپ كەلۋدى قامتاماسىز ەتەتىن 2 قاۋلى قابىلدادى.
ايدار ورىسباەۆ, "ەگەمەن قازاقستان".