كەشە باتىس قازاقستان وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىندە بريفينگ وتكىزىلىپ, وندا دەپارتامەنت باستىعىنىڭ ورىنباسارى ءانۋار حاسەنوۆ 8 تامىز كۇنى وبلىستاعى اۋدانداردىڭ ءبىرىنىڭ اكىمى ا.س. مەن ونىڭ ورىنباسارى ب.ءۇ-گە جانە كەڭەسشىسى س.ق-عا قاتىستى پارا الۋ فاكتىسى بويىنشا قىلمىستىق ءىس قوزعالعانىن جەرگىلىكتى جانە رەسپۋبليكالىق باق وكىلدەرىنە ءمالىمدەدى.
ورىنباساردىڭ ايتۋىنا قاراعاندا سول كۇنى پروكۋروردىڭ سانكتسياسىمەن جۇرگىزىلگەن ءتىنتۋ بارىسىندا اۋدان اكىمى ا.س.-نىڭ ۇيىنەن وعان پارا رەتىندە بەرىلگەن 300 مىڭ تەڭگە سوماسىنداعى اقشا قاراجاتى تابىلعان. 11 تامىز كۇنى اۋدان اكىمى ا.س. سوت سانكتسياسىمەن قاماۋعا الىنعان.
بريفينگتىڭ بارىسىندا دەپارتامەنت باستىعىنىڭ ورىنباسارى ءانۋار حاسەنوۆ ورىن العان پارا الۋ فاكتىسى بويىنشا جۋرناليستەر قويعان سۇراقتارعا جاۋاپ بەرۋدەن باس تارتتى. ول مۇنى ءباسپاسوز وكىلدەرىنە تەرگەۋ امالدارىنىڭ ءجۇرگىزىلۋىنە بايلانىستى دەپ ءتۇسىندىردى.
تەمىر قۇسايىن.
باتىس قازاقستان وبلىسى.