تالدىقورعان قالاسىنداعى كوركەمونەر گالەرەياسىندا تاۋەلسىزدىگىمىزدىڭ 20 جىلدىعى مەن استانا قالاسىنا ارنالعان كاسىبي سۋرەتشىلەردىڭ كورمەسى اشىلدى. شىعارما جانرلارى دا سان سالالى. دەگەنمەن, ءار تۋىندىدان تۋعان جەر, وسكەن ورتاعا دەگەن پاك سەزىم, تامىلجىعان جەتىسۋ تابيعاتى, وتكەن مەن بۇگىنگىنى جالعاعان التىن كوپىر تاريح پەن ادام تاعدىرى دا شىنايى بەينەلەنگەن.
مۇنداعى ق.شالاباەۆا, ب.احمەتوۆ, م.ابدىلداەۆ, ە.احمەتوۆ, ا.اسقاروۆ, ت.بەكسۇلتانوۆ ءتارىزدى سۋرەتشىلەردىڭ الپىستان استام ۇزدىك تۋىندىسى كورەرمەننەن ءوز باعاسىن الۋدا. جالپى كورمەنى تاماشالاعاندار قىلقالام شەبەرلەرىنىڭ اۋىل كورىنىسى, جىل مەزگىلدەرى, جەكە ادام ءومىرى مەن تاعدىرىنا بايلانىستى سۋرەتتەرىنە جاقسى باعا بەرىپ, ەڭبەكتەرىنە ساتتىلىك تىلەدى.
كۇمىسجان بايجان,
الماتى وبلىسى.