سەمەيدە ۇستىمىزدەگى جىلدىڭ العاشقى جارتىجىلدىعىندا ءتارتىپ بۇزۋشىلىق 36,6 پايىزعا ارتتى. بۇل ەلىمىز بويىنشا ءتورت وبلىس كورسەتكىشىن قوسا ەسەپتەگەندەگىدەن دە ارتىق كورىنەدى. سوندىقتان جاعداي دابىل قاعارلىقتاي بولىپ تۇر. وعان قوسا ۇرلىق-قارلىق تا كوبەيە تۇسكەن. اتالعان قىلمىستىڭ 90 پايىزى قالامەن جاپسارلاس «شىعىس» ساياجايىندا ورىن العان. مۇندا تۇراتىن 25 مىڭ ادامنىڭ تەڭ جارىمىنا جۋىعى تىركەۋدە جوق. ياعني, ساياجاي تۇرعىندارىنىڭ كوبى سايدا سانى, قۇمدا ءىزى جوق ادامدار دەگەن ءسوز. ال مۇنداعى پوليتسيا بولسا اتالعان ساياجايدا ءتارتىپ ورناتا الماي دارمەنسىزدىك تانىتۋدا. ايتپەسە قالانىڭ ەكىنشى جاعىنداعى بوبروۆكا كەنتىندە جاعداي مۇلدە باسقاشا. وندا جىل باسىنان بەرى ەشقانداي قىلمىستىق وقيعا تىركەلمەگەن. دەمەك, ءتارتىپ بار جەردە قىلمىسقا جول بەرىلمەيدى. سوندا «شىعىس» ساياجايىن باقىلايتىن پوليتسيا قىزمەتكەرلەرى نە بىتىرەدى؟ ولاردىڭ جۇمىسىن كىم قاداعالايدى؟
ءتارتىپ دەمەكشى, قىلمىستىڭ ءورشي ءتۇسۋىنە ءتۇرلى زاڭسىزدىقتار دا بىردەن-ءبىر سەبەپ پە دەيمىز. ماسەلەن, سەمەيدە سىراحانالار جاڭبىردان كەيىنگى ساڭىراۋقۇلاقتاي قاپتاپ كەتكەن. بارلىق 56 سىراحانانىڭ تەك ەكەۋىندە عانا رۇحسات قاعازى بار ءجانە وندا ادامدار قاۋىپسىزدىگىن ويلايتىن ەشكىم جوق. ءالى كۇنگە دەيىن جارىقتاندىرىلماعان كوشەلەر دە قىلمىستىڭ ءورشي تۇسۋىنە سەبەپشى بولۋدا. ءسويتىپ, العاشقى جارتىجىلدىقتا قالا بويىنشا 149 ۇرلىق پەن 9 كىسى توناۋ دەرەگىنە جول بەرىلگەن. سوعان سايكەس جەڭگەتايلىق تا جاندانىپ تۇر.
مىنە, وسىنىڭ ءبارى جۋىردا قالالىق اكىمدىكتە وتكەن ۆەدومستۆوارالىق كوميسسيانىڭ جيىنىندا كەڭىنەن ايتىلدى.
بىراق, قالاي دەسەك تە, ءبىر جيىنمەن بارلىق ماسەلە شەشىلدى دەۋگە بولماس. ياعني, ەندىگى جەردە سوزدەن ىسكە كوشەتىن كەز جەتتى دەپ بىلەمىز. ايتپەسە, ەلىمىزدىڭ رۋحاني ورتالىعى بولىپ ەسەپتەلەتىن سەمەيدى مۇنداي كەلەڭسىزدىكتەردىڭ ۇشپاققا شىعارا قويمايتىنى تۇسىنىكتى. سوندىقتان ءتارتىپ ساقشىلارى وزدەرى دە تەزدەتىپ قورىتىندى شىعارادى دەگەن ويدامىز.
داۋلەت سەيسەن ۇلى,
سەمەي.