ويىل اۋداندىق سوتى مەن پروكۋراتۋراسىنىڭ جاڭا عيماراتىنىڭ تۇساۋكەسەرىنە وبلىس اكىمى ەلەۋسىن ساعىندىقوۆ, جوعارعى سوت توراعاسى بەكتاس بەكنازاروۆ پەن قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى يوگان مەركەل قاتىستى.
سالتاناتتى ساتتە ءسوز العان ءوڭىر باسشىسى ويىلدىقتارعا وسىنداي جاڭالىقتار كوپ بولسىن دەگەن تىلەگىن جەتكىزدى. جوعارعى سوت توراعاسى بەكتاس بەكنازاروۆ قارعالى اۋدانىنان قىزمەتىن اۋىستىرىپ, ويىل اۋداندىق سوتىنىڭ توراعاسى بولىپ تاعايىندالىپ جاتقان نۇرلان باقتىعاليەۆتى جاڭا قىزمەتىمەن قۇتتىقتادى. وعان سۋ جاڭا «شكودا» اۆتوكولىگىنىڭ كىلتىن تابىس ەتىپ, 8 كومپيۋتەردى, دىبىستىق جانە بەينە قۇرىلعىلارى مەن تەلەديداردى سىيعا تارتتى. قۇرىلىس جۇمىستارىن جۇرگىزگەن «كازتەپلوەنەرگومونتاج» كومپانياسى عيماراتتى مەرزىمىنەن بۇرىن پايدالانۋعا بەردى. قۇرىلىسقا بولىنگەن 159 ملن. تەڭگە تولىق يگەرىلگەن. ال قۇرىلىس جۇمىستارىنا جەرگىلىكتى جەردەن 60 ادام تارتىلعان.
ساتىبالدى ءساۋىرباي,
اقتوبە وبلىسى.