قازاقستانعا مەملەكەتتىك قۇجاتتار اۋدارماسىنىڭ ءتۇپنۇسقاسىنا تۋرا كەلۋىن قامتاماسىز ەتەتىن بىرىڭعاي لينگۆيستيكالىق ورتالىق قاجەت, دەدى پرەمەر-مينيستر كارىم ءماسىموۆ مينيسترلەر كابينەتى وتىرىسىنىڭ بارىسىندا.
«دەپۋتاتتار تاراپىنان ورىندى, ۇزدىكسىز جازعىرۋلار ءجيى ورىن الادى. ءبىزدىڭ ءوزىمىزدىڭ ىشىمىزدە دە اۋدارمانىڭ تۇپنۇسقاعا سايكەس كەلمەۋىنە بايلانىستى حالىقارالىق كەلىسىمدەردى دە قوسقاندا قايتا قول قويۋعا تۋرا كەلەدى, كەيبىر جوبالار بويىنشا كىدىرىستەر بولادى», دەدى كارىم ءماسىموۆ ادىلەت ءمينيسترى راشيد ءتۇسىپبەكوۆكە قاراپ.
ر.تۇسىپبەكوۆ مينيسترلىكتە ءتارتىپ ورناتىلدى, «سونىڭ ارقاسىندا بارلىق زاڭ جوبالارى بويىنشا لينگۆيستيكالىق ساراپتامالار ءجۇرگىزىلەتىن بولادى», دەپ ءتۇسىندىردى.