كەشە مەملەكەت باسشىسى نۇرسۇلتان نازارباەۆ «رۋسال» بىرلەسكەن كومپانياسىنىڭ باس ديرەكتورى ولەگ دەريپاسكانى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
و. دەريپاسكا پرەزيدەتتى «بوگاتىر» رازرەزى بازاسىندا «سامۇرىق-ەنەرگو» مەن «رۋسال» بىرلەسكەن كومپانيالارىنان قۇرىلعان, بىرلەسكەن كاسىپورىننىڭ جۇمىسىنىڭ قورىتىندىلارى تۋرالى حاباردار ەتتى.
– كاسىپورىن جۇمىسى جاقسى ناتيجە كورسەتتى. ءوندىرىس كولەمىن 20 پايىزعا ارتتىرۋ ءۇشىن تەحنولوگيانى جاڭعىرتۋ تۋرالى شەشىم قابىلداندى. سونداي-اق ءبىز, ەكىباستۇز كومىرىن اۋادا شاشامەن 40 رەت جاندىرۋدى تومەندەتۋدى قامتاماسىز ەتەتىن جاڭا تەحنولوگيالىق شەشىم ازىرلەدىك. بۇل – وتە ماڭىزدى. ويتكەنى, بۇل قورشاعان ورتاعا ىقپال ەتۋ ءۇشىن تومەندەتۋ كەزىندە بايقالادى. ءبىز اۋاعا زياندى زاتتاردى شىعارۋدى تومەندەتۋ تەحنولوگياسىن ەنگىزۋ ءجونىندەگى جۇمىستاردى جالعاستىرامىز, رازرەزگە ارنالعان ءتيىستى باعدارلامالاردى ءازىرلەيمىز, – دەپ اتاپ ءوتتى و. دەريپاسكا.
كەزدەسۋ كەزىندە سونداي-اق ءوندىرىستى ودان ءارى كەڭەيتۋ جانە ينۆەستيتسيالىق جوبالاردى ىسكە اسىرۋ جونىندەگى جوسپارلار تالقىلاندى.
– ءبىز «رۋسسكيە ماشينى» ااق توبىنا كىرەتىن ءبىزدىڭ ماشينا جاساۋ سالاسىمەن اينالىساتىن كاسىپورىندارعا بايلانىستى ماسەلەنى تالقىلادىق. ۆاگوندار سالاسىندا بىرلەسكەن كاسىپورىن قۇرۋ جونىندەگى مەموراندۋم ءبىزدىڭ قاراۋىمىزدا جاتىر. اتالعان مەموراندۋم ماقۇلداناتىن بولادى جانە بىرلەسكەن كاسىپورىن قۇرىلادى. الدىمەن ءبىر جارىم جىل ىشىندە قۇراستىراتىن ءوندىرىس, ودان كەيىن بارلىق تەحنولوگيالىق ۇدەرىس ىسكە قوسىلادى. ءوندىرىستى كەڭەيتۋ مەن ازاماتتىق جانە اسكەري ماقساتتاعى كوممەرتسيالىق اۆتوكولىك تەحنيكاسىن وقشاۋلاۋ تۋرالى شەشىم قابىلدانعان بولاتىن. مەن قازاقستانداعى ينۆەستيتسيالىق كليماتتى وڭ باعالايمىن. قازاقستان مەن رەسەي پرەزيدەنتتەرى بارلىق بيۋروكراتتىق بىلىقتاردى ەڭسەرىپ, كەدەن وداعى اياسىندا بىرىڭعاي تۇعىرناما قۇردى. ەۋرازەق پەن كەدەن وداعىنىڭ شەڭبەرىندە قول قويىلعان كەلىسىم, سونداي-اق جالپى العاندا, بارلىق قابىلدانعان قۇجاتتار پاكەتى ءوزارا قارىم-قاتىناستاردىڭ جاڭا بەتتەرىن اشادى. بۇل ءبىرىڭعاي رىنوكتى قۇرۋعا ءمۇمكىندىكتەر تۋعىزادى, سول كەزدە تيىمدىلىكتەر ەسەبىنەن باسەكەلەستىك پايدا بولادى. وسىعان بايلانىستى قازاقستاندا كوپتەگەن باسىمدىقتار بار – شيكىزات كوزدەرىنە قولجەتىمدىلىك, ينۆەستيتسيالىق كليمات ساپاسىنىڭ ماسەلەسى, سالىقتىق ساياسات, مەملەكەتتىك جانە بانكتىك قولداۋ. كەزدەسۋ كەزىندە سونىمەن بىرگە, استانادا اشىلعان بىرەگەي جاڭا ۋنيۆەرسيتەت تۋرالى ايتتىق. وسىعان بايلانىستى ۋنيۆەرسيتەتتىڭ جانىنان جاڭا كافەدرا اشۋ ءۇشىن ءبىز جيناقتاعان ينجەنەرلىك-وندىرىستىك ءتاجىريبەنى پايدالانۋ ءمۇمكىندىگى تالقىلاندى, – دەدى و. دەريپاسكا.