بيىل قازاق حالقىنىڭ داڭقتى ۇلى, اتاقتى بالۋان قاجىمۇقان مۇڭايتپاس ۇلىنىڭ تۋعانىنا 140 جىل تولدى. وسىعان وراي بالۋاندى ەسكە ءتۇسىرۋ ماقساتىندا ەل كولەمىندە كوپتەگەن ءىس-شارالار, بۇقارالىق سپورت جارىستارىن وتكىزۋ بەلگىلەنۋدە.
قوردى قۇرۋ جونىندە باستامانى بالۋاننىڭ نەمەرەسى نۇرلان قاجىمۇقانوۆ, نەمەرە ءىنىسى باتىرحان ەسكەرمەسوۆ كوتەردى. قوردىڭ ماقساتى – اتاقتى بالۋاننىڭ ءومىر جولىن, سپورتتاعى جەتىستىكتەرىن جۇرت اراسىندا كەڭىنەن ناسيحاتتاۋ, ول جەرلەنگەن كەسەنەنى كۇتىپ-باپتاۋ, كەسەنە اينالاسىن اباتتاندىرۋ بولىپ تابىلادى. سونىمەن بىرگە, قور بالۋان جايلى قالام تارتىپ جۇرگەن قالامگەرلەردى, سپورتتىق جارىستاردا جەڭىسكە جەتكەن جەڭىمپازداردى, زەينەت جاسىنا شىققان اتاقتى سپورت شەبەرلەرىن ماراپاتتاۋ سياقتى يگى ىستەردى جۇيەلى تۇردە اتقارۋدى كوزدەپ وتىر.
قور قۇرىلتايشىلارى بالۋاننىڭ ەسىمىن ارداق تۇتاتىن قولى اشىق, جۇرەگى جومارت الاش ازاماتتارىن وسى قوردىڭ جۇمىسىنا قارجىلاي قولداۋ كورسەتۋگە شاقىرادى. قول ۇشىن سوزىپ, يگى نيەت تانىتقان جاندار ءۇشىن قوردىڭ ەسەپ-شوتىن ۇسىنادى:
قاجىمۇقان مۇڭايتپاسوۆ اتىنداعى قايىرىمدىلىق قورى
رنن 582200043677
كبە 18
ر/سچ. KZ 798560000004450968
بيك كسJBKZKX
فش او «بانك تسەنتركرەديت»
السەيىت وسپانوۆ.
وڭتۇستىك قازاقستان وبلىسى,
ورداباسى اۋدانى.