ماقسات – ءبىلىم ساپاسىن ارتتىرۋ

اقوردادا مەملەكەتتىك حاتشى قانات ساۋداباەۆتىڭ ءتور­اعا­لىعىمەن شەتەلدە كادرلار دايارلاۋ جونىندەگى رەسپۋبليكالىق كو­ميسسيانىڭ ءماجىلىسى ءوتتى. وتىرىستى اشقان كوميسسيا ءتور­اعاسى ءوز سوزىندە «بولاشاق» پرەزيدەنتتىك باعدارلاماسىنىڭ كوپ جىلدان بەرى تاۋەلسىز قازاق­ستانعا قاجەتتى حالىقارالىق دەڭ­گەيدەگى مامانداردىڭ العاشقى بۋى­نىن  دايىنداۋدا ماڭىزدى ءمىن­دەتتەر اتقارعانىن اتاپ ءوتتى. «بۇگىندە مەملەكەت باسشىسىنىڭ وتاندىق ءبىلىمنىڭ ساپاسى مەن دەڭگەيىن ارتتىرۋ باعىتىنداعى ساياساتىنىڭ ارقاسىندا, اسىرەسە, «نازارباەۆ ۋنيۆەرسيتەتىنىڭ» اشى­لۋىنا بايلانىستى «بولا­شاق» باعدارلاماسى بويىنشا شەتەلدەردە باكالاۆرلاردى وقىتۋ توقتاتىلىپ, نەگىزگى نازار ماگيسترلەر مەن PhD دوكتورلارىن دايارلاۋعا باعىتتالاتىن بولادى. بۇل تاپسىرمانى ەلباسى جا­قىن­دا وتكەن ۇكىمەتتىڭ كەڭەيتىلگەن وتى­رىسىندا بەرگەنى بەلگىلى. وسى­عان بايلانىستى ءبىز «بولا­شاق» باعدارلاماسىنىڭ 2011-2015 جىلدارعا ارنالعان دامۋ جوسپارىن بەكىتۋىمىز قاجەت»,– دەدى قانات ساۋداباەۆ. ونىڭ ايتۋىنشا, مۇنداعى باستى ماقسات – اۋقىمدى مەملەكەتتىك دامۋ باعدارلامالارى بوي­ىنشا كادرلىق قاجەتتىلىكتى انىق­تاۋ, مامانداردى ماقساتتى تۇردە وقىتۋ جانە دايارلانعان مامان­دار­دى جۇمىسقا ورنالاستىرۋ. تاعى ءبىر اتاپ وتەرلىگى, ەندىگى كەزەكتە مامانداردىڭ شەتەلدەردىڭ بەلدى وقۋ ورىندارىندا ءتاجىري­بە­دەن ءوتۋى ءۇشىن بولىنەتىن ورىن­داردىڭ سانى ارتاتىن بولادى. بۇل كۇنگى كوميسسيا وتىرىسى اياسىندا ماگيستراتۋرا, PhD دوكتورانتۋرا باعدارلامالارى بويىنشا شەتەلدەردىڭ جەتەكشى وقۋ ورىن­دارىندا وقۋ, سونداي-اق, عىلىمي تاعىلىمدامادان ءوتۋ ءۇشىن «بو­لا­شاق» پرەزيدەنتتىك ستيپەندياسىن الۋ قۇقىعىنا يە ۇمىتكەرلەر سا­ناتى انىقتالدى. بۇعان قوسا, 2011 جىلدا باسىمدىققا يە مامان­دىق­تاردىڭ تىزبەسى بەكىتىلدى. ءلايلا ەدىلقىزى.