«قۇقىقتىق ساياسات كەڭەسىندەگى تالقىلاۋ بارىسىندا ىزگىلەندىرۋ اياسىندا بارلىق باپتاردى زەرتتەپ شىعۋ شارالارى ەسكەرىلدى, ونىڭ ىشىندە جولداعى كولىك قوزعالىسى باپتارى قامتىلىپ وتىر. بۇگىندە ادىلەت مينيسترلىگىمەن بىرلەسە وتىرىپ, 14 باپ بويىنشا جاۋاپكەرشىلىكتى جەڭىلدەتۋ شارالارىن ايقىندادىق», – دەدى كوميتەت توراعاسى.
وسى ورايدا ول ىشكى ىستەر مينيسترلىگى جول اپاتتىلىعى مەن قاۋىپسىزدىك جاعدايىنا تىكەلەي اسەر ەتەتىن ەرەجە بۇزۋشىلىقتارعا ايىپپۇل دەڭگەيىن تومەندەتۋگە قارسى ەكەنىن جەتكىزدى.
«ماسەلەن, جول قيىلىسىندا توقتايتىن سىزىقتان كوكتايعاق سالدارىنان نەمەسە بايقاماي 1 مەترگە اسىپ كەتسە, ايىپپۇلدى 5 اەك-تەن 3 اەك-كە دەيىن تومەندەتەمىز. مۇمكىندىگى شەكتەۋلى جاندارعا ارنالعان تۇراققا كولىكتەرىن قويىپ كەتكەندەر ءۇشىن دە ايىپپۇل ايتارلىقتاي ازايتىلادى. سونىمەن قاتار كولىكتىڭ جارىعىن قوسپاي جۇرگەنى ءۇشىن ءبىرىنشى رەت تەك ەسكەرتۋ جاسالادى. ال ەكىنشى رەت وسى سەبەپپەن توقتاتىلسا, وندا 5-تەن 3 اەك-كە ايىپپۇل تومەندەتىلەدى. ياعني, جولداعى اپاتتىلىققا تىكەلەي ىقپال ەتپەيتىن باپتار بويىنشا سانكتسيالاردى جەڭىلدەتۋ قادامىنا بارىپ جاتىرمىز», – دەدى ي. لەپەحا.
ءسوز سوڭىندا ول اتالعان باپتار بويىنشا ناقتى شەشىم قابىلداناتىنىنا سەنىم ءبىلدىردى.