وسى ورايدا مىندەتتى الەۋمەتتىك مەديتسينالىق ساقتاندىرۋ جۇيەسىنەن كۇتەرىمىز كوپ. بىرىنشىدەن, دەنساۋلىق قورعاۋ اۋىرتپالىعىن ءبولىسۋ جانە تۇرعىنداردىڭ ءوز دەنساۋلىعىن نىعايتۋعا كوڭىل ءبولۋى ارقىلى قوعامدىق ىنتىماقتاستىققا قول جەتكىزۋگە بولادى. امبۋلاتوريالىق ءدارى-دارمەكتەرمەن قامتاماسىز ەتۋ پاكەتى كەڭەيەدى. ەكىنشىدەن, ءمامس-ءتىڭ ەنگىزىلۋى جالپى ءتاجىريبە دارىگەرلەرى جانە ۋچاسكەلىك ءدارىگەرلەر جۇكتەمەلەرىن كەزەڭ-كەزەڭىمەن ء(بىر ۋچاسكەدەگى 2000 ادامدى 1500-گە دەيىن) ازايتۋعا مۇمكىندىك بەرەدى. بۇل قولجەتىمدىلىكتى ارتتىرىپ, كەزەكتى ازايتادى, سايكەسىنشە قابىلداۋ ساپاسىنا اسەر ەتەدى. دارىگەر ءار ناۋقاسقا كوبىرەك ۋاقىت بولە الادى. قازىرگى كۇنى ەمحانالاردا دارىگەرگە ەلەكتروندى تۇردە جازىلۋ جۇزەگە اسىرىلۋدا. ناۋقاستارعا ساپالى جانە جوعارى دەڭگەيلى مەديتسينالىق كومەك كورسەتۋ, كەزەكسىز ەمحانا بويىنشا كۇندەلىكتى جۇمىستار جاسالۋدا. بۇل ءۇردىس ءمامس جۇيەسىنىڭ ارقاسىندا ءارى قاراي دا جەتىلدىرىلەدى دەگەن سەنىمدەمىز. ۇشىنشىدەن, قور سالىمشىلارى – ساقتاندىرىلعان ازاماتتار جاسىنا, الەۋمەتتىك مارتەبەسىنە, تۇرعىلىقتى جەرىنە جانە تابىسىنا قاراماستان تەڭ ءدارەجەدە مەديتسينالىق جانە ءدارى-ءدارمەكتىك كومەكپەن قامتاماسىز ەتىلمەك. ءباسەكەلەستىك دامىپ, مەديتسينالىق قىزمەت ساپاسى جاقسارادى. سايكەسىنشە, تۇرعىندار دەنساۋلىعىن جاقسارتۋدىڭ ناتيجەسىندە ءومىر ءسۇرۋ ۇزاقتىعى دا ارتادى. تورتىنشىدەن, ءمامس ەنگىزىلگەن كەزدە مەديتسينالىق قىزمەتكەرلەر جالاقىسى ەڭبەگىنە قاراي باعالانادى دەپ كۇتىلۋدە.
ال, استانا قالاسىنداعى № 6 قالالىق ەمحانادا باس دارىگەر دينارا بايسەركينانىڭ قاداعالاۋىمەن ماماندار مەديتسينالىق ساقتاندىرۋ بويىنشا حالىققا ءتۇسىندىرۋ جۇمىستارىن ءجۇرگىزۋدە. جىل باسىنداعى مالىمەتتەر بويىنشا, ەمحاناعا تىركەلگەندەر سانى – 71 905, ونىڭ ىشىندە ۇلكەندەر – 46 759, بالالار – 22 799, جاسوسپىرىمدەر – 2347, زەينەتكەرلەر – 7096. ەمحانادا كۇن سايىن ءمامس تۋرالى جادىنامالار تاراتىلادى, قابىلداۋعا كەلگەن تۇرعىندارعا تۇسىندىرمە جۇمىستارى جۇرگىزىلەدى. تىركەۋ تىزبەسى بويىنشا تۇرعىنداردىڭ الەۋمەتتىك مارتەبەسى تۋرالى دەرەكتەردى ەنگىزۋ جۇمىستارى كۇندەلىكتى ءجۇرىپ جاتىر. بۇگىنگە دەيىن ءبىزدىڭ ەمحاناعا ءتىركەلگەن تۇرعىنداردىڭ 3 985-ءنىڭ ءمارتەبەسى انىقتالدى. بەلسەندى ءتۇردە ءجۇرگىزىلىپ جاتقان بۇل جۇمىس اعىمداعى جىلدىڭ 31 ماۋسىمىنا دەيىن اياقتالۋى تيىس. ەلەكتروندى جازىلىم بويىنشا كۇن سايىن تەراپەۆت-دارىگەرلەرگە 350-دەي ادام جازىلادى. ال, ازىرگە پەدياتر, حيرۋرگ, تراۆماتولوگتار كەزەك بويىنشا, نەۆروپاتولوگ, كارديولوگ, وكۋليست سەكىلدى مامان-دارىگەرلەر تالون بويىنشا قابىلدايدى. مۇنىڭ ءبارى الداعى ۋاقىتتا ەلەكتروندى جازىلىم بويىنشا رەتتەلەدى. ەمحانادا ءمامس بويىنشا 5 ادامنان قۇرالعان جۇمىس توبى بار. ولار حالىققا جانە ەمحانا قىزمەتكەرلەرىنە ءتۇسىندىرۋ جۇمىستارىن جۇرگىزىپ كەلەدى.
اعىمداعى جىلدىڭ 1 شىلدەسىنەن باستاپ مەملەكەتتىڭ, جۇمىس بەرۋشىلەردىڭ جانە ازاماتتاردىڭ ورتاق جاۋاپكەرشىلىگىنە نەگىزدەلگەن ءمىندەتتى الەۋمەتتىك مەديتسينالىق ساقتاندىرۋ ءجۇيەسى ەنگىزىلەدى. بۇل جۇيەنىڭ ءتيىمدىلىگى الەمدىك تاجىريبەدە ءدالەلدەنگەن. مەديتسينالىق ساقتاندىرۋ جۇيەسىنە قاتىسۋشىلارعا كەڭ كولەمدى مەديتسينالىق قىزمەتتەر ۇسىنىلماق. وعان قاتىساتىن تۇرعىنداردىڭ الەۋمەتتىك قورعالماعان توبىنا مەملەكەت قولداۋ كورسەتەدى. جۋىردا ەڭبەك ۇجىمىمەن ءبىرگە تالقىلاعان ەلباسى جولداۋىندا ايتىلعانداي, ەمحانامىز ءمىندەتتى الەۋمەتتىك مەديتسينالىق ساقتاندىرۋ جۇيەسىنىڭ تالاپتارىنا ساي مەديتسينالىق قىزمەت كورسەتۋگە ءازىر.
زاۋرە حاراشاەۆا,
№6 قالالىق ەمحانا باس دارىگەرىنىڭ ۇيىمداستىرۋ-ادىستەمەلىك جۇمىستار جونىندەگى ورىنباسارىنىڭ مىندەتىن اتقارۋشى
استانا