قۇرمەتتى نۇرسۇلتان ءابىش ۇلى!
حالىقتىڭ سەنىمىن ارقالاعان ەلباسىمەن بىرگە 25 جىلدى ابىرويمەن ەڭسەرىپ, ەرتەڭگە دەگەن ۇلكەن ۇمىتپەن قارايمىز. ءسىزدىڭ ءاربىر جاڭا باستاماڭىز بىزدەردى بولاشاققا نىق سەنىممەن جەتەلەي تۇسۋدە. جامبىل اتىنداعى قازاق مەملەكەتتىك فيلارمونياسى – ەل ەرتەڭى مەن ۇرپاقتار ساباقتاستىعى ءۇشىن جاسالار يگى ىستەرگە اتسالىسۋعا ارقاشان ءازىر.
ءسىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاڭىز بىزدەردى, ونەر ادامدارىن شابىتتاندىرىپ, جىگەرىمىزدى تاعى دا قامشىلاي ءتۇستى. جاڭعىرۋ جونىندەگى وسىناۋ سارابدال ويلارىڭىزدىڭ ماڭىزىن تەرەڭ تۇسىنە وتىرىپ, ء ححى عاسىرداعى جاھاندىق ۇدەرىستەرگە ساي ءومىر ءسۇرۋ ءۇشىن زامان اعىمىنا بەيىمدەلە وتىرىپ, وزگەرۋ مەن دامۋعا دەگەن باستاماڭىزعا ءبىراۋىزدان قولداۋ بىلدىرەمىز.
قۇرمەتپەن, قازاقستاننىڭ ەڭبەك سىڭىرگەن قايراتكەرى
ج.سەيدۋللا ۇلى
جانىمىزدى ەرەكشە تەبىرەنتتى
قادىرمەندى نۇرسۇلتان ءابىش ۇلى!
ءسىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاڭىزدى گازەتتەن وقىپ زور قۋانىشقا يە بولىپ وتىرمىز. اسىرەسە, ونىڭ ىشىندە تۋعان جەرگە دەگەن ماحاببات ونەر ادامدارىنا ەرەكشە اسەر ەتەتىنى ءسوزسىز. سول ماقالانىڭ ىشىندە «تۋعان جەرىن سۇيە الماعان, سۇيە الار ما تۋعان ەلىن», دەگەن ولەڭ جولدارى ءبىزدىڭ جانىمىزدى ەرەكشە تەربەدى.
سول سياقتى لاتىن الىپبيىنە كوشۋ يدەياسىن دا شىن جۇرەكتەن قولدايمىز. وسىنداي ماعىناسى تەرەڭ سارابدال ويلاردان قۋات العان ونەر ادامدارى ەلىمىزدىڭ مادەني-رۋحاني بايلىعىن ودان ءارى اسقاقتاتا بەرەدى. اندەرىن جازا بەرەدى.
سىزگە اماندىق, ساۋلىق تىلەيمىز.
قۇرمەتپەن, قازاقستان رەسپۋبليكاسىنىڭ حالىق ءارتىسى
ەسكەندىر حاسانعاليەۆ,
قازاقستاننىڭ ەڭبەك سىڭىرگەن قايراتكەرى
ءبىرجان حاسانعاليەۆ
ماڭگىلىك ەلگە باستايتىن دارا جول
قۇرمەتتى نۇرسۇلتان ءابىش ۇلى!
ءسىزدىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاڭىزدى قىزۋ قولدايمىز. ەلدى رۋحاني جاڭعىرۋ جولىنداعى ساليقالى ويلارىڭىز بەن جۇكتەگەن مىندەتتەرىڭىز – ماڭگىلىك ەل بولۋعا اپاراتىن تىكەلەي دارا جول. سوندىقتان ءسىزدىڭ ەلىمىزدىڭ تىنىشتىعى مەن ونەگەسى وزىق وركەنيەتتى ەلدەر قاتارىنا قوسۋ جولىنداعى جانقيارلىق ەڭبەگىڭىزگە تولىمدى تابىس تىلەيمىز.
رياسىز قۇرمەتپەن, قازاقستان رەسپۋبليكاسى
مەملەكەتتىك ورتالىق مۋزەي ۇجىمى