قۇرمەتتى نۇرسۇلتان ءابىش ۇلى!
ءسىزدىڭ بۇقارالىق اقپارات قۇرالدارىندا جارييالانعان «بولاشاققا باعدار: رۋحاني جاڭعىرۋ» اتتى ماقالاڭىزدا قوزعالعان وزىق ويلارىڭىز بەن جاڭاشىل كوزقاراستارىڭىزدى جاس ۇرپاقتى تاربيەلەپ وتىرعان و.تاڭسىقباەۆ اتىنداعى الماتى ساندىك-قولدانبالى ونەر كوللەدجى ۇجىمى ءبىراۋىزدان قولدايدى. ۇلتتىق مادەنيەت, ۇلتتىق سانا, ۇلتتىق رۋح – ەڭ باستى قۇندىلىقتارىمىز. وسى ماقالاعا وزەك بولعان ەل بولاشاعى, ۇلت تاعدىرى, سونداي-اق جاس ۇرپاق ءۇشىن اسا ماڭىزدى ىستەردى جۇزەگە اسىرۋعا جانە ۇلتتىق قۇندىلىقتارمەن سۋسىنداعان سانالى ۇرپاقتى
ءتاربيەلەۋگە ءوز ۇلەسىمىزدى قوسامىز دەپ سەنىم ءبىلدىرەمىز.
س.شالاباەۆ,
قازاقستاننىڭ ەڭبەك سىڭىرگەن قايراتكەرى, پروفەسسور
اسا مارتەبەلى نۇرسۇلتان ءابىش ۇلى!
قازاقستان رەسپۋبليكاسى ۇلتتىق مۋزەيىنىڭ اۋقىمدى ۇجىمى ءسىزدىڭ ۇعىنىقتى تۇردە جاڭا يدەولوگيالىق تۇعىرناما تۇجىرىمدالىپ, قازاقستان قوعامىن رۋحاني جاڭعىرتۋدىڭ قۇندى باسىمدىقتارى بەلگىلەنگەن «بولاشاققا باعدار: رۋحاني جاڭعىرۋ» اتتى باعدارلامالىق ماقالاڭىزبەن مۇقيات تانىسا كەلىپ, ونى ءبىراۋىزدان قولدايدى.
باعدارلامالىق قۇجاتتىڭ ارقاسىندا الدىمىزدا جاڭا مۇمكىندىكتەر اشىلۋدا, بۇل تۇپتەپ كەلگەندە, ۇلتتىق مۋزەيدىڭ ۇجىمىن دامۋدىڭ باسەكەگە قابىلەتتى دەڭگەيىنە شىعارىپ, الەمدەگى ايگىلى مۋزەيلەر اراسىندا ءوزىنىڭ ورنىن تابۋعا مۇمكىندىك بەرەدى.
ءبىز سىزبەن ءاردايىم بىرگەمىز!
ج.تايماعامبەتوۆ,
ۇلتتىق مۋزەي ديرەكتورىنىڭ ورىنباسارى,
ۇعا كوررەسپوندەنت-مۇشەسى, پروفەسسور
قۇرمەتتى نۇرسۇلتان ءابىش ۇلى!
ءسىزدىڭ «بولاشاققا باعدار: رۋحاني جاڭعىرۋ» اتتى ءمان-مازمۇنى تەرەڭ ماقالاڭىزدى كەشەگى ۇلت دانالارىنىڭ كيەلى بەسىگى بولعان شىعىستاعى اباي ەلى دە زور ىقىلاسپەن قابىلدادى. مەملەكەتتىك دامۋدى ايقىندايتىن ساياسي-يدەولوگيالىق وسىناۋ قۇجاتتا قازاق حالقىنىڭ وركەنيەتتىك تاڭداۋى جاسالىنىپتى. ماقالاڭىزداعى ءححى عاسىردا ۇلتتىق كودتى ساقتاي وتىرىپ, جاڭعىرۋ, جاھاندىق سانا بويىنشا باسەكەگە قابىلەتتىلىك, ءبىلىمنىڭ جالپىعا ورتاق سالتاناتتىلىعى, سانانىڭ اشىقتىعى سىندى باسىمدىقتار ءدال مەرزىمىندە كورەگەندىلىكپەن جاسالعان تۇجىرىمدار. ءسىز ۇسىنىپ وتىرعان تىڭ يدەيالار جوسپارىن ۇلتتىق مۇددەنىڭ ستراتەگيالىق باعىتىن ايقىندايتىن جاڭا يدەولوگيالىق كونتسەپتسيا دەپ بىلەمىز. كيەلى مەكەن اباي اۋدانىنىڭ تۇرعىندارى بيىلعى جىلى حاكىم ابايدىڭ اكەسى, ءۇش جۇزگە اتى ءمالىم قايراتكەر, اعا سۇلتان, ءارى قاجى قۇنانباي وسكەنباي ۇلىنا ەڭسەلى ەسكەرت-
كىش كوتەرۋدى ماقسات تۇتىپ وتىر. بۇل دا بولسا ولكە تاريحىن تانىتۋ مەن ۇرپاق جۇرەگىن نۇرلاندىرۋ جولىنداعى رۋحاني جاڭارۋدىڭ جاڭا بەلەسىنە كوتەرىلەتىن ءبىر باسپالداعى دەپ ءبىلەمىز. مىنە, وسى رەتتە, وسىناۋ جارقىن كەزەڭدە ءسىزدىڭ كوشباسشىلىعىڭىزداعى بۇگىنگى جاسامپاز بۋىندى ءسىز اتاپ كورسەتكەن تاياۋ جىلدارداعى مىندەتتەردى تىزە قوسا ورىنداۋعا شاقىرىپ, بارشا وتانداستارىمىزدى جىگەرلەندىرگىمىز كەلەدى.
ءاردايىم اماندىقتا بولىپ, وركەنيەت كوشىندەگى حالقىڭىزدى دامۋدىڭ جاڭا بەلەستەرىنە باستاي بەرىڭىز. ءسىزدىڭ بويىڭىزداعى دانالىق اللانىڭ الاش جۇرتىنا بەرگەن سىيى دەپ بىلەمىز. ەلىمىزدىڭ وركەندەۋىمەن بىرگە مارتەبەڭىز دە اسقاقتاي بەرسىن!
وزىڭىزگە دەگەن ىستىق ءىلتيپات, ىزگى تىلەكپەن حات جولداۋشى:
اباي ەلىنىڭ اقساقالدارى, زيالى قاۋىم وكىلدەرى.