«قازاقستان» كونتسەرت زالىنداعى نەگىزگى شارا باستالماس بۇرىن استانالىق جانكۇيەرلەر ديماش قۇدايبەرگەندى كىرەبەرىستەن كۇتىپ الىپ, «قازاقستان العا! ديماش العا!» ۇرانىمەن قارسى الدى. استانالىق جاستار ديماشتىڭ قۇرمەتىنە ارنايى فلەشموب ۇيىمداستىرىپ, جۇزگە جۋىق ادام «ديماش» دەپ جازىلعان جۇرەكتى قۇراستىردى.
مەرەكەلىك كەشكە مادەنيەت جانە سپورت ءمينيسترى ارىستانبەك مۇحامەدي ۇلى قاتىسىپ, ديماشتى جەڭىسىمەن قۇتتىقتادى.
– ديماشتىڭ جەڭىسى – بۇكىل قازاق ەلىنىڭ جەڭىسى. ديماشتاي جاس تالانتتى دۇنيەگە اكەلگەن ايتباەۆتار وتباسىنا مىڭ دا ءبىر راحمەت, – دەپ قۇتتىقتاۋ لەبىزىن ارناعان مينيستر, ديماشتاي ۇلدى تاربيەلەپ-وسىرگەن اتا-اجەسىن ساحناعا ارنايى شاقىرىپ, قۇرمەت كورسەتىپ, شاپان جاپتى.
ءانسىز كەشتىڭ كوركى كىرگەن بە, ديماش زالعا جينالعان 3 مىڭنان استام كورەرمەن الدىندا «ۇمىتىلماس كۇن» مۋزىكالىق كومپوزيتسياسىن, «دايديداۋ» حالىق ءانىن شىرقادى. ءانشى حالىقتىڭ ىستىق ىقىلاسى مەن تىلەكتەستىگىنە العىس ءبىلدىرىپ, جىلى لەبىزىن ارنادى.
– كەز كەلگەن جەتىستىككە جەتكەن ازاماتتاردىڭ ارتىندا اق جاۋلىقتى انالارىمىز تۇرادى. مەنى بالا كەزدەن باعىپ-قاعىپ وسىرگەن ۇستازدارىما, ۇلكەن ساحنانىڭ تورىنە دەيىن شىعارعان قازاق حالقىنا مىڭ تاعزىم! زاماناۋي قازاقستاننىڭ نەگىزىن قالاعان نۇرسۇلتان ءابىش ۇلىنا راحمەت ايتامىن!, – دەدى ول.
كەشتىڭ قۇرمەتتى قوناقتارى قاتارىندا ءانشىنىڭ اتا-اناسى, پەداگوگتارى مەن ۇستازدارى بولدى. احمەت جۇبانوۆ اتىنداعى اقتوبە مۋزىكالىق كوللەدجىندە ديماشقا ساباق بەرگەن ۇستازى مارات ءايتىموۆ اقتوبەدەن ديماشتى قارسى الۋ ءۇشىن ارنايى ۇشىپ كەلگەن ەكەن. ونىڭ ايتۋىنشا, كىشكەنتايىنان-اق ديماش وزگەشە بولمىسىمەن وزگەلەردەن دارالانىپ تۇراتىن.
– ديماش ەشكىمگە ۇقسامايدى, وتە سەزىمتال. ءان تابيعاتىن, ماعىناسىن جاقسى تۇسىنەدى. باسقا قونعان باق, داڭق جولى قيىن بولادى. سوندىقتان ادامي قالىپتان اينىماي جۇرسە ەكەن دەپ تىلەيمىن. ۇنەمى وزىنە سىني كوزقاراسپەن قاراپ, شىعارماشىلىق ەڭبەگىن ۇشتاي بەرسە, ءبارى دە جاقسى بولۋعا ءتيىس. ول قازاقستاننىڭ انشىلىك ونەرىن جاڭا ساتىعا, الەمدىك دەڭگەيگە كوتەردى,– دەيدى ۇلاعاتتى ۇستاز.
جۋرناليستەرگە سۇحبات بەرگەن ءانشىنىڭ اكەسى قانات ايتباەۆ ديماشتىڭ سالتاناتتى جەڭىسىمەن بارشا جۇرتتى قۇتتىقتادى.
– ونەر ادامىن وسىرەتىن, قاناتتاندىراتىن حالىق ىقىلاسى. تاقىمىن قىسىپ, ءوز بالاسىنداي كورىپ, ۇلكەن تىلەۋلەستىك ءبىلدىرىپ وتىرعان ەلىمىزىگە حالقىمىزعا العىس ايتامىز. ديماشتىڭ كوڭىل-كۇيى وتە جاقسى, – دەگەن ول, جۇرت اراسىنداعى ديماشتىڭ تالانتى مەن باعى شەتەل اسقان سوڭ جاندى دەپ ايتىلىپ جۇرگەن كەي پىكىرمەن كەلىسپەيتىندىگىن ايتىپ قالدى. – ديماشتىڭ قازاقستانداعى تىڭدارماندارى بۇرىننان كوپ بولدى, قىتايداعى بايقاۋدان كەيىن ءتىپتى ارتا ءتۇستى, – دەيدى قانات ايتباەۆ.
«Hunan TV» ارناسىمەن شارتقا بايلانىستى قازىرگى كۇنى ەشقانداي ءباسپاسوز بەتىنە سۇحبات بەرە المايتىندىعىن جەتكىزگەن ءانشىنىڭ پروديۋسسەرى الپامىس ءشارىموۆ ديماشتىڭ الداعى جوسپارلارى تۋرالى ايتىپ بەردى.
– فرانتسياداعى تانىمال تەلەارنانىڭ شاقىرتۋىمەن كونتسەرتتىك باعدارلامادا LP سياقتى تانىمال تۇلعالارىمەن بىرگە ونەر كورسەتەدى. باعدارلاما مامىر ايىندا ەفيردەن كورسەتىلۋى ءتيىس, بۇگىندە ءتۇسىرىلىم جۇمىستارى تولىق اياقتالدى. شارت مەرزىمى اياقتالا سالىسىمەن ديماش قازاقستاندىق ءباسپاسوز قۇرالدارىنا ارناپ ءماسليحات وتكىزەدى,– دەدى پروديۋسسەر.
ايا ءومىرتاي,
«ەگەمەن قازاقستان»
سۋرەتتى تۇسىرگەن ەرلان وماروۆ