قازاقستان پرەزيدەنتى نۇرسۇلتان نازارباەۆتىڭ اتىنا مەملەكەت, ۇكىمەت باسشىلارىنان, حالىقارالىق ۇيىمداردىڭ جەتەكشىلەرىنەن سايلاۋداعى جەڭىسىنە بايلانىستى قۇتتىقتاۋلار كەلىپ تۇسۋدە.
* * *
مەملەكەت باسشىسى نۇرسۇلتان نازارباەۆتى پرەزيدەنتتىك سايلاۋداعى سەنىمدى جەڭىسىمەن يتاليا رەسپۋبليكاسىنىڭ پرەزيدەنتى دجوردجيو ناپوليتانو قۇتتىقتادى. قۇتتىقتاۋدا بىلاي دەلىنگەن:
قۇرمەتتى پرەزيدەنت مىرزا,
يتاليا حالقىنىڭ جانە جەكە ءوزىمنىڭ اتىمنان قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزعا بايلانىستى شىنايى قۇتتىقتاۋىمدى بىلدىرۋگە رۇقسات ەتىڭىز.
وتكەن جىلداردا ءسىزدىڭ ەلىڭىز يتاليا ەنەرگەتيكالىق جانە وزگە سەكتورلاردا دامىپ كەلە جاتقان ءجىتى ىنتىماقتاستىق ارقىلى كومەكتەسۋگە قۋانىشتى بولاتىنداي قۋاتتى ەكونوميكالىق وسىمگە قول جەتكىزدى.
سىزگە, جوعارى مارتەبەلى, ەڭ يگى تىلەكتەر جانە دوستاس قازاقستان حالقىنا وركەندەۋ تىلەيمىن.
* * *
مەملەكەت باسشىسى نۇرسۇلتان نازارباەۆتى پرەزيدەنتتىك سايلاۋداعى تاماشا جەڭىسىمەن باحرەين كورولى حاماد يبن يسا ءال-حاليفا قۇتتىقتادى. قۇتتىقتاۋدا بىلاي دەلىنگەن:
پرەزيدەنت مىرزا,
ءسىزدىڭ قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزبەن سىزگە جانە وزىڭىزگە ۇلكەن سەنىم بىلدىرگەن قازاقستان حالقىنا شىنايى قۇتتىقتاۋىم مەن تىلەگىمدى جولداۋعا رۇقسات ەتىڭىز.
ءبىزدىڭ حالىقتارىمىزدىڭ يگىلىگى ءۇشىن ءبىزدىڭ دوستاس ەلدەرىمىز اراسىنداعى جاقىن جانە سەنىمدى قاتىناستاردىڭ ودان ءارى داميتىنىنان ءۇمىتتىمىن.