قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ 11-12 ساۋىردە جۇمىس بابىنداعى ساپارمەن نيۋ-يوركتە بولىپ, بىرىككەن ۇلتتار ۇيىمىنىڭ باس حاتشىسى پان گي مۋنمەن, باس حاتشىنىڭ ءبىرىنشى ورىنباسارى اشا-روۋز ميگيرومەن, باس حاتشىنىڭ باس اسسامبلەيا ىستەرى جانە كونفەرەنتسيالىق باسقارۋ جونىندەگى ورىنباسارى مۇحامماد شاابانمەن, باس حاتشىنىڭ ەكونوميكا جانە الەۋمەتتىك ماسەلەلەر جونىندەگى ورىنباسارى شا تسزۋكانمەن, باس حاتشىنىڭ قارۋسىزدانۋ ءجونىندەگى ورىنباسارى سەرجيۋ دي كەيرۋس دۋارتيمەن, بۇۇ باس اسسامبلەياسىنىڭ توراعاسى يوزەف دايسسپەن, بۇۇ دامۋ باعدارلاماسىنىڭ اكىمشىسى حەلەن كلاركپەن, باس حاتشىنىڭ باس اسسامبلەيا ىستەرى جانە كونفەرەنتسيالىق باسقارۋ جونىندەگى كومەكشىسى فرانتس باۋماننمەن جانە بۇۇ حاتشىلىعىنىڭ باسقا دا جاۋاپتى قىزمەتكەرلەرىمەن كەزدەستى.
كەزدەسۋلەر بارىسىندا بۇۇ-نىڭ جەنەۆا ءبولىمىنىڭ قىزمەتى جانە ونىڭ دۇنيەجۇزىلىك ۇيىمنىڭ شتاب-پاتەرىمەن ءوزارا ءىس-قيمىلى ماسەلەلەرى تالقىلاندى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.