كەشە اقتاۋدا پرەزيدەنت اكىمشىلىگىنىڭ باسشىسى اسلان مۋسيننىڭ قاتىسۋىمەن ماڭعىستاۋ وبلىسى اكتيۆىنىڭ جينالىسى ءوتتى. وندا ا.مۋسين وبلىستىق ءماسليحاتتىڭ كەزەكتەن تىس سەسسياسىندا دەپۋتاتتار ەلباسىنىڭ ماڭعىستاۋ وبلىسىنىڭ اكىمى قىزمەتىنە قىرىمبەك كوشەرباەۆتى تاعايىنداۋىنا ءبىراۋىزدان كەلىسىم بەرگەندىگىن جەتكىزىپ, ەلباسى جارلىعىن جاريا ەتتى.
اكتيۆ جينالىسىندا وبلىستىق ءماسليحات حاتشىسى باقتىباي شەلپەكوۆ اسلان ەسبولاي ۇلىنا ولكە جۇرتشىلىعىنىڭ قۇرمەتىنە ءبولەنگەن ىسكەر دە حالىقشىل باسشىنى قايتا تاعايىنداۋ جونىندەگى جاقسى دا جاعىمدى حابارى ءۇشىن جينالعان جۇرتشىلىق اتىنان العىس ايتىپ, ريزاشىلىق سەزىمىن ءبىلدىردى. وبلىستا ەلباسى تاپسىرماسىنا وراي بىرنەشە جاسامپاز جوبالار قولعا الىنۋدا, باستاعان ءىستى ونىڭ ءمان-جايىن جەتىك بىلەتىن باسشىنىڭ ءوزى ءارى قاراي جالعاستىراتىنى قۋانتادى, دەدى.
اكتيۆ جينالىسىندا قىرىمبەك كوشەرباەۆ ەلباسىنىڭ وزىنە كورسەتكەن جوعارى سەنىمىن اقتاۋ ءۇشىن كۇش-جىگەر, قاجىر-قايراتىن جۇمسايتىندىعىن جەتكىزدى.
جولامان بوشالاق.
اقتاۋ.