كەشە ەلوردادا «قازاقستان-2020» جالپىۇلتتىق دەموكراتيالىق كۇشتەر كواليتسياسى قالالىق فيليالىنىڭ مۇشەلەرى «تەپلوترانزيت» جانە «№1 اۆتوبۋس پاركى» اكتسيونەرلىك قوعامدارىنىڭ ەڭبەك ۇجىمىمەن كەزدەستى.
كەزدەسۋگە قاتىسۋشىلار قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىنا كانديدات نۇرسۇلتان نازارباەۆتىڭ كانديداتۋراسىن ءبىراۋىزدان قولدايتىندىقتارىن ءبىلدىردى. «قازاقستان-2020» جالپىۇلتتىق دەموكراتيالىق كۇشتەر كواليتسياسىنىڭ قالالىق فيليالىنا ەلورداداعى قوعامدىق جانە ساياسي كۇشتەر, ءمادەنيەت پەن ءبىلىم بەرۋ سالالارىنداعى بەدەلدى كىسىلەر مۇشە. بۇگىندە دەموكراتيالىق كۇشتەر كواليتسياسى باس بىرىكتىرە وتىرىپ, ەلىمىزدە جۇزەگە اسىرىلىپ جاتقان ساياسي ۇدەرىستەرگە, الەۋمەتتىك جانە ەكونوميكالىق جەتىستىكتەرگە قولداۋ كورسەتىپ كەلەدى.
ەڭبەك ۇجىمدارىنىڭ كەزدەسۋىنە پرەزيدەنتتىككە كانديدات نۇرسۇلتان نازارباەۆتىڭ سەنىم بىلدىرىلگەن ادامدارى – «نۇر وتان» حدپ استانا قالالىق فيليالى توراعاسىنىڭ ءبىرىنشى ورىنباسارى ءا.راحىمجانوۆ, استانا قالالىق ءماسليحاتىنىڭ دەپۋتاتى ا.بايگەنجين, سونداي-اق جالپىۇلتتىق دەموكراتيالىق كۇشتەر كواليتسياسىنا كىرەتىن ساياسي پارتيالاردىڭ وكىلدەرى قاتىستى.
«ەگەمەن-اقپارات».