كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولدى. وندا پالاتانىڭ بيىلعى 17 ناۋرىزدا بولاتىن كەزەكتى جالپى وتىرىسىنىڭ كۇن ءتارتىبىن قالىپتاستىرۋ جونىندەگى كوميتەتتەردىڭ ۇسىنىستارى قارالدى.
وتىرىستا «1992 جىلعى 23-25 قاراشادا كوپەنگاگەندە قابىلدانعان وزون قاباتىن بۇزاتىن زاتتار جونىندەگى مونرەال حاتتاماسىنا تۇزەتۋدى جانە 1997 جىلعى 15-17 قىركۇيەكتە مونرەالدا قابىلدانعان وزون قاباتىن بۇزاتىن زاتتار جونىندەگى مونرەال حاتتاماسىنا تۇزەتۋدى راتيفيكاتسيالاۋ تۋرالى» زاڭ جوباسىن قاراۋ جوسپارلاندى.
دەپۋتاتتار قاراۋىنا, سونىمەن بىرگە, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە رۇقسات بەرۋ جۇيەسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ۇسىنىلادى, دەپ حابارلادى پارلامەنت سەناتىنىڭ ءباسپاسوز قىزمەتى.