كەشە «نۇر وتان» حدپ جوعارى پارتيا مەكتەبى مەن يندۋستريا جانە جاڭا تەحنولوگيالار مينيسترلىگى بىرلەسىپ يسلام قارجىسى بويىنشا قازاقستان كونفەرەنتسياسى – KIFC 2011 اياسىندا «قازاقستاننىڭ يكۇ-عا توراعالىق ەتۋىنىڭ ساۋدا-ەكونوميكالىق اسپەكتىلەرى» تاقىرىبىندا دوڭگەلەك ۇستەل وتكىزدى.
اتالعان شارادا پارتيا حاتشىسى سەرگەي گروموۆ «يسلام ەكونوميكاسى», «جاڭا يسلامي ەكونوميكالىق ءتارتىپ» قاعيداتتارىنىڭ وزەكتىلىگىن ەرەكشە اتاپ ءوتتى. ەلىمىز بيزنەس ءمۇددەسىنە قاتىستى رەفورما جاساۋشىلاردىڭ ىشىندە كوشباسشى بولىپ تابىلادى. سونىڭ ءناتيجەسىندە, قازاقستان الەمدىك بيزنەس اۋانى جونىندەگى رەيتينگىدە 183 ەل كىرەتىن ءتىزىمنىڭ 59-شى ورنىن يەمدەنىپ وتىر. وسى رەتتە سەرگەي نيكولاەۆيچ يكۇ-عا ءتوراعالىق ەتۋ شەڭبەرىندە «نۇر وتاننىڭ» ستراتەگيالىق مىندەتتەردى ءجۇزەگە اسىرۋدا جاڭا ۇنقاتىسۋ الاڭدارىن قۇرۋدى كوزدەيتىندىگىنەن دە حاباردار ەتە كەتتى. «نۇر وتان» حدپ جوعارى پارتيا مەكتەبىنىڭ ديرەكتورى, پروفەسسور, ەكونوميكا عىلىمدارىنىڭ دوكتورى باقىت ەسەكينا ءوز كەزەگىندە ەكونوميكالىق داعدارىس بارىسىنا, قازىرگى ەكونوميكالىق ءۇلگىنىڭ تيىمدىلىگى مەن تۇراقتىلىعىنا ەرەكشە نازار اۋدارتتى. الەۋمەتتىك ءادىلدىككە باعىتتالعان يسلام ۇلگىسى قوعام مۇددەسىنە باعىتتالعان ءارى كاسىپكەرلىككە سەپتەسە وتىرىپ, ەكونوميكانىڭ نەگىزى بولا الادى.
دوڭگەلەك ۇستەل بارىسىندا سونداي-اق يسلام قاعيداتتارىن ەكونوميكاعا ەنگىزۋ اياسىندا جالپى الەمدىك ءۇردىستەرمەن قاتار, قازاقستانداعى وسى سالانىڭ جاعدايى تالقىعا سالىندى. ەلىمىزدىڭ سىرتقى ىستەر, ەكونوميكالىق دامۋ ءجانە ساۋدا مينيسترلىكتەرىنىڭ وكىلدەرى, ءال-شامس كاپيتال باسقارماسىنىڭ ءتوراعاسى (رەسەي), ت.ع.د., پروفەسسور ادالەت دجابيەۆ, «ەلاف يسلاميك بانك» باسقارما ءتوراعاسى, دوكتور جاميل جارۋدي, الماتى قالاسى وڭىرلىك قارجى ورتالىعىنىڭ قىزمەتىن رەتتەۋ اگەنتتىگىنىڭ توراعاسى, ە.ع.د. اركەن ارىستانوۆ, باحرەين جانە كۋۆەيت بانكى زاڭ دەپارتامەنتىنىڭ باسشىسى, پروفەسسور ابدۋل كادير ۋارساما جانە ەلىمىز پرەمەر-مينيسترىنىڭ ورىنباسارى – يندۋستريا جانە جاڭا تەحنولوگيالار مينيسترىنىڭ كەڭەسشىسى ەرلان بايداۋلەت ءسوز سويلەپ, ءوز ويلارىن ورتاعا سالدى. جۇمىس قورىتىندىسى بويىنشا ۇسىنىمدار قابىلداندى.
اسقار تۇراپباي ۇلى.