استانا قالاسىندا «حان شاتىر», «Mega», «سارىارقا», «Astana Mall» جانە «كەرۋەن» ءىرى ساۋدا ورتالىقتارىندا قان قىسىمىن ولشەۋ ءۇشىن اۆتوماتتى ەلەكتروندى تونومەترلەر ورناتىلعان. مۇندا ەرىكتىلەر تۇرعىندارمەن ينسۋلتتىڭ الدىن الۋ بويىنشا اقپاراتتىق-ءتۇسىندىرۋ جۇمىستارىن جۇرگىزەدى. قالا اكىمدىگىنىڭ حابارلاۋىنشا, اۆتوماتتى ەلەكتروندى تونومەترلەر بۇل ساۋدا ورتالىقتارىندا تۇراقتى تۇردە قالادى. شارانى ەلوردانىڭ دەنساۋلىق ساقتاۋ باسقارماسى, «ۇلتتىق نەيروحيرۋرگيا ورتالىعى» اق جانە سالاۋاتتى ءومىر سالتىن قالىپتاستىرۋ ورتالىعى بىرلەسىپ ۇيىمداستىرعان.
وسى جەردە قانداعى گليۋكوزا مەن قان قىسىمىنىڭ دەڭگەيىن بىلۋگە بولادى.
اكتسيا بارىسىندا ءبىر ساعاتتىڭ ىشىندە ءتۇرلى جاستاعى 324 ادام قان قىسىمىن ولشەۋ ءۇشىن ماماندارعا جۇگىنگەن. قان قىسىمى جوعارى ادامدارعا سول جەردە نەۆراپاتولوگ-دارىگەر تەگىن كەڭەس بەرىپ, كارديولوگ-دارىگەرگە جولداما بەردى. مامانداردىڭ ايتۋىنشا, 80% جاعدايدا ءينسۋلتتىڭ الدىن الۋعا بولادى.