«قازاقستان تەمىر جولى» ۇك» اق باسشىسى قانات الپىسباەۆ باستاعان دەلەگاتسيا تالليندەگى دوستاستىققا قاتىسۋشى ەلدەردىڭ تەمىر جول اكىمشىلىگى كەڭەسىنىڭ 65-وتىرىسىنا قاتىستى, دەپ حابارلادى «قازاقستان تەمىر جولى» ۇك» اق-تىڭ ءباسپاسوز قىزمەتى. تاللينگە ازەربايجان, ارمەنيا, بەلارۋس, قىرعىزستان, مولدوۆا, رەسەي, تاجىكستان, تۇرىكمەنستان, وزبەكستان, ۋكراينا تەمىر جول اكىمشىلىكتەرىنىڭ باسشىلارى مەن كەڭەستىڭ قاۋىمداستىق مۇشەلەرى – بولگاريا, گرۋزيا, لاتۆيا, فينليانديا تەمىر جول اكىمشىلىكتەرىنىڭ باسشىلارى دا قاتىستى. وتىرىستا كەڭەستىڭ 64-وتىرىسى شەشىمدەرىنىڭ ورىندالۋ ناتيجەسى مەن تەمىر جولداردى پايدالانۋدىڭ 2016 جىلعى توعىز ايىنىڭ قورىتىندىسى قارالدى. ونىڭ ىشىندە, پويىزداردىڭ قوزعالىس كەستەسى, جۇك پويىزدارىن جانە حالىقارالىق باعدارداعى كونتەينەرلىك ۆاگونداردى جاساقتاۋ جوسپارى, جۇك ۆاگوندارى ءتىزىمىن جاساۋ, كونتەينەرلىك ۆاگونداردىڭ مامىر – قىركۇيەك ايلارىنداعى تىزىمدەرىن ءتۇزۋدىڭ الدىن الا قورىتىندىسىن شىعارۋ جۇمىستارى تالقىلاندى. سونىمەن قاتار, قاتىسۋشىلار 2016 جىلدىڭ توعىز ايىنداعى تەمىر جول اكىمشىلىكتەرى اراسىنداعى ءوزارا ەسەپ ايىرىسۋ تۋرالى اقپاراتتارمەن الماستى. تەمىر جول كولىگىن توقتاۋسىز جۇرگىزۋ, دوستاستىققا قاتىسۋشى ەلدەر اراسىنداعى تەمىر جولدارمەن جولاۋشى جانە جۇك پويىزدارىنىڭ كەدەرگىسىز قوزعالىسىن قامتاماسىز ەتۋگە قاتىستى ونداعان ماسەلە قارالىپ, كەلىسىلدى. وتىرىستا تمد ەلدەرى تەمىر جول جەلىلەرىندەگى بيىلعى توعىز ايدا جۇك تيەۋ جوسپارى وتكەن جىلدىڭ سايكەس مەرزىمىمەن سالىستىرعاندا 8, 3 ملن تونناعا ارتىعىمەن ورىندالعانى كولدەنەڭ تارتىلدى. تيەلگەن جۇكتەردىڭ جالپى كولەمى 1 ملرد تونناعا جەتكىزىلگەن, ال جۇك اينالىمى 0,6%-عا وسكەن. مىندەتتەمەسىن اسىرا ورىنداعان تەمىر جول اكىمشىلىكتەرىنىڭ ىشىندە «قازاقستان تەمىر جولى» ۇك» اق تا بار. ول مىندەتتەمەسىن 2 پايىزعا اسىرا ورىندادى. بيىلعى جىلدىڭ توعىز ايىندا جۇكتەردى كونتەينەرلىك تاسىمالداۋ جوسپارى وتكەن جىلمەن سالىستىرعاندا 1,7 ميلليون تونناعا ارتىعىمەن ورىندالدى. ال مەملەكەتارالىق ءتۇيىسۋ نۇكتەلەرىندەگى قابىلدانباعان جۇك ۆاگوندارىنىڭ جالپى كولەمى 21%-عا ازايدى. وتىرىستا 2016-2017 جىلدارداعى حالىقارالىق ۆاگون اعىمدارىن رەتتەۋ ۋاقىتى پويىزداردىڭ 2016 جىلعى 11 جەلتوقسانداعى ءجۇرۋ كەستەسىمەن سايكەستەندىرىلدى. تالليندە «قتج» ۇك» اق پرەزيدەنتى ق.الپىسباەۆ «رەسەي تەمىر جولدارى» ااق پرەزيدەنتى و.بەلوزەروۆپەن, بەلارۋس تەمىر جولىنىڭ باستىعى ۆ.موروزوۆپەن كولىكتىك-لوگيستيكالىق شارالاردى بىرلەسىپ ۇيىمداستىرۋ جايىن اقىلداستى. سونداي-اق, بازالىق كونتەينەرلىك قىزمەت كورسەتۋ, قوزعالىس جىلدامدىعىن وسىرۋدەگى تاريف ساياساتى ماسەلەلەرى تالقىلاندى. سونىمەن قاتار, ق.الپىسباەۆتىڭ وزبەكستان, تاجىكستان, تۇرىكمەنستان, ليتۆا ەلدەرى اراسىنداعى جۇك تاسىمالداۋ كولەمىن ارتتىرۋ ماقساتىندا قولايلى جاعدايلار جاساۋعا ارنالعان ءوزارا كەزدەسۋلەرى وتكىزىلدى. دوستاستىققا قاتىسۋشى ەلدەر تەمىر جول اكىمشىلىكتەرى كەڭەسىنىڭ 66-وتىرىسىن 2017 جىلعى مامىردا رەسەيدە وتكىزۋ كەلىسىلدى.