ەلوردادا تۇرعىن ءۇي قۇرىلىسىنا ۇلەستىك قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسى اياسىندا 58 نىسان تۇراقتى باقىلاۋعا الىنعان. اتالعان نىسانداردىڭ قۇرىلىسىندا قازاقستان رەسپۋبليكاسىنىڭ «تۇرعىن ءۇي قۇرىلىسىنا ۇلەستىك قاتىسۋ تۋرالى», «ساۋلەت, قالا قۇرىلىسى جانە قۇرىلىس قىزمەتى تۋرالى» زاڭدارى ساقتالماعان, سونداي-اق, وندىرىستىك جۇمىستار كەستەدەن ايتارلىقتاي كەشىكتىرىلىپ جاتىر ەكەن.
ءتيىستى زاڭ بۇزۋشىلىقتار قالا تۇرعىندارىنىڭ ءوتىنىشتەرى بويىنشا جانە كەزەكتى جوسپار جاساۋدىڭ ءناتيجەسىندە انىقتالىپ, سول فاكتىلەر بويىنشا ماتەريالدار قۇقىق قورعاۋ ورگاندارىنا جىبەرىلگەنى ايتىلدى. ءاربىر نىسان بويىنشا قۇرىلىستى اياقتاۋ جونىندەگى ناقتى الگوريتم ازىرلەنگەنى دە نازارعا سالىندى. نىساندار تۇراقتى باقىلاۋعا الىنىپ, مەملەكەتتىك ورگاندار ءوز قۇزىرەتتىلىگى شەگىندە بەلگىلەگەن زاڭ بۇزۋشىلىق انىقتالسا, ەسكەرتۋ جاساۋمەن قاتار, كومەك كورسەتىلمەك.
كوميسسيا وتىرىسىندا قالا اكىمدىگى نىسانداردى مەملەكەت قارجىسى ەسەبىنەن اياقتاۋ مۇمكىن ەمەستىگىن العا تارتتى.
«ەگەمەن-اقپارات»