قاراعاندىدا 22 جاستاعى ۆەرونيكا كونياەۆا ەسىمدى قىز ۇيىنەن 19 قىركۇيەك كۇنى شىعىپ, ءالى كۇنگە دەيىن قايتىپ كەلمەگەن. اناسى تاتيانا كونياەۆانىڭ ايتۋىنشا, ۆەرونيكا ءبىراز ۋاقىتتان بەرى جالاقىسى جوعارى جۇمىس ىزدەپ جۇرگەن. ول ۆەرونيكا مەن ونىڭ تۋعان-تۋىستارى اراسىندا ەشبىر كيكىلجىڭ بولماعانىن ايتادى.
قاراعاندىلىق قىز الەۋمەتتىك جەلىلەر ارقىلى دا ىزدەستىرىلىپ جاتىر. سونىمەن قاتار, قىزدىڭ جوعالعاندىعى تۋرالى حابارلاندىرۋلار ايالدامالار مەن قوعامدىق كولىكتەرگە دە جاپسىرىلعان.
«قىزدىڭ اناسى ارىز ءتۇسىردى. ىزدەپ جاتىرمىز. ازىرگە ناتيجە جوق», دەپ حابارلادى قاراعاندى وبلىستىق ءىىد ءباسپاسوز قىزمەتى.
قايرات ءابىلدينوۆ