وبلىس دەلەگاتسياسى استانالىقتاردى ءۇش كۇن بويى ءوڭىردىڭ تاريحىمەن, مادەنيەتىمەن, جەتىستىكتەرىمەن تانىستىرادى, دەپ حابارلايدى اتالعان ءوڭىر باسشىلىعىنىڭ رەسمي سايتى. مادەنيەت كۇندەرىنىڭ اياسىندا استانالىقتاردىڭ نازارىنا بىرقاتار مادەني باعدارلامالار ۇسىنىلادى. اتاپ ايتقاندا, بىرقاتار سپەكتاكلدەر جانە اتالعان وبلىس ونەرپازدارىنىڭ قاتىسۋىمەن « ۇلى دالا ۇلىسىم!» اتتى كونتسەرتتىك باعدارلاما قويىلادى دەپ كۇتىلۋدە.
سونىمەن قاتار, بۇگىن جامبىلدىق تاۋار وندىرۋشىلەر ارنايى ۇيىمداستىرىلعان جارمەڭكەگە قاتىسادى. جارمەڭكەگە جالپى قۇنى – 237,5 ملن تەڭگە بولاتىن, سالماعى 300 توننادان اساتىن 30-دان استام ءونىم تۇرلەرى قويىلادى. ونىڭ ىشىندە 10 توننا جىلقى, 1,4 توننا تاۋىق ەتى, 5 توننا شۇجىق, 10 توننا ءسۇت ونىمدەرى, 11 مىڭ دانا جۇمىرتقا, 1,5 توننا كونديتەرلىك جانە 6 توننا ماكارون ونىمدەرى بار. سونداي-اق, استانالىقتارعا 10 توننا قانت, 0,5 توننا تۇز, 5 توننا بالىق, 2,2 توننا بال, 4,2 توننا قىمىز بەن شۇبات جانە 245,3 توننا جەمىس-جيدەك پەن كوكونىستەر ۇسىنىلادى.
«ەگەمەن-اقپارات»