وزبەكستان بۇقارالىق اقپارات قۇرالدارىنىڭ حابارلاۋلارىنا قاراعاندا, ەلدەگى ءتورت ساياسي پارتيانىڭ ءبارى دە ورتالىق سايلاۋ كوميسسياسىنا (وسك) ۇستىمىزدەگى جىلدىڭ 4 جەلتوقسانىنا بەلگىلەنگەن پرەزيدەنتتىك سايلاۋعا قاتىسۋ تۋرالى قۇجاتتارىن تاپسىرعان.
وزبەكستاننىڭ حالىقتىق-دەموكراتيالىق پارتياسى ء(وحدپ) مەن ءوزبەكستاننىڭ «ادولات» (ادىلەت) سوتسيال-دەموكراتيالىق پارتياسىنىڭ ء(وسدپ) وكىلدەرى وسى اپتادا ورتالىق سايلاۋ كوميسسياسىنا رەسپۋبليكا پرەزيدەنتىن سايلاۋعا قاتىسۋ ءۇشىن قاجەتتى قۇجاتتار پاكەتىن ۇسىندى, دەلىنگەن وسك-نىڭ حابارلاماسىندا.
وسك-عا وسىنداي قۇجاتتار پاكەتىن وزبەكستاننىڭ ليبەرال-دەموكراتيالىق پارتياسى ء(وزليدەپ) مەن «ميللي تيكلانيش» پارتياسى (ۇلتتىق قايتا ورلەۋ) دا ۇسىنعان كورىنەدى.
اتاپ ايتقاندا, وزليدەپ-ءتىڭ ساياسي كەڭەسى مەملەكەت باسشىسىنىڭ لاۋازىمىنا ەل پرەزيدەنتىنىڭ ءمىندەتىن اتقارۋشى شاۆكات ميرزيەەۆتىڭ, «ميللي تيكلانيش» پارتياسى سارۆار وتامۋرادوۆتىڭ, «ادولات» ءوسدپ ناريمون ۋماروۆتىڭ, ال ءوحدپ حوتامجون كەتمونوۆتىڭ كانديداتۋرالارىن ۇسىنىپ وتىر ەكەن.
وزبەكستان وسك-سىنىڭ رەسمي حابارلاماسىندا ەلدەگى بارلىق ءتورت ساياسي پارتيانىڭ وكىلدەرى پرەزيدەنتتىك سايلاۋعا قاتىسۋ ءۇشىن وسك-عا قۇجاتتارىن وتكىزگەنى اتاپ كورسەتىلەدى. ۇسىنىلعان قۇجاتتاردىڭ نەگىزىندە وسك بەس كۇن مەرزىم ىشىندە پارتيالاردى پرەزيدەنتتىك سايلاۋعا جىبەرۋ نە جىبەرمەۋ تۋرالى ناقتى شەشىم قابىلدايتىن بولادى.
ناقتىلاي كەتەتىن بولساق, كەزەكتەن تىس پرەزيدەنتتىك سايلاۋ وزبەكستاندا ۇستىمىزدەگى جىلدىڭ 4 جەلتوقسانىندا وتكىزىلەدى. سايلاۋ ناۋقانى 9 قىركۇيەكتە باستالىپ كەتكەن ەدى. ال 30 قىركۇيەك پەن 20 قازان ارالىعىندا ۇمىتكەرلەردى تىركەۋ جۇرگىزىلەدى.