6 قىركۇيەك كۇنى مينسكىدە تمد ەلدەرىنىڭ باس پروكۋرورلارى ۇيلەستىرۋ كەڭەسىنىڭ وتىرىسى وتەدى, دەپ حابارلادى بەلارۋس رەسپۋبليكاسىنىڭ باس پروكۋرورى الەكساندر كونيۋك.
«تمد ەلدەرىنىڭ باس پروكۋرورلارى ۇيلەستىرۋ كەڭەسىنىڭ وتىرىسى 6 قىركۇيەك كۇنى مينسكىدە وتەدى. وتىرىستىڭ نەگىزگى تاقىرىبى – سىرتقى دەبيتورلىق قارىزدى قايتارۋ ماسەلەسىن قاراستىرۋ. رەسەي مەن قازاقستان ءبىزدىڭ نەگىزگى سەرىكتەستەرىمىز جانە بۇل ەلدەردە ءبىزدىڭ كاسىپورىندارىمىزدىڭ كونتراگەنتتەرىنىڭ ەڭ ۇلكەن بولىگى بار. بۇل نەگىزگى ماسەلەلەردىڭ ءبىرى», – دەپ كەلتىردى الەكساندر كونيۋكتىڭ ءسوزىن بەلتا اگەنتتىگى.
سونداي-اق ا.كونيۋك بۇل ماسەلەنىڭ 29 قىركۇيەك كۇنى ماسكەۋدە بەلارۋس پەن رەسەي پروكۋراتۋرالارىنىڭ القاسىندا تالقىلاناتىنىن اتاپ ءوتتى
ايدار ورىسباەۆ