سىن تۇزەلدى...

كەزىندە وڭتۇستىك قازاقستان وبلىسىنىڭ مادەنيەت جانە ونەر سالاسىنداعى وي­سى­راپ كەتكەن ولقىلىق­تاردى «ەگەمەن قا­زاق­ستان» گازەتى ءبىراز-ءبىراز شىم­شىپ-شى­م­شىپ جا­زىڭ­قىراعان. ءداستۇرلى ءان ونەرىنىڭ وگەيسىپ, ءداس­تۇرلى ءان­شىلەردىڭ كو­رىنبەي قال­عانىن. بۇل ءجو­نىندە جامبىل مەن قىزىلوردا وبلىستارىنىڭ وزىپ كەتكەنىن. جۇمات شانين اتىنداعى وبلىس­تىق قازاق دراما تەاترى مەن وپەرا جانە بالەت تەاترىنداعى كا­سىبي-كوركەمدىك دەڭگەيدىڭ قۇلدى­راعانىن... جاقىندا وبلىستىق مادە­نيەت باسقارماسىنىڭ جىلدىق ەسە­بى القالى جيىن رەتىندە, جا­ريالى تۇردە ءوتتى. وعان بارلىق اۋداندار مەن قالالاردىڭ ءتيىستى باسشىلارى, زيالى قاۋىمنىڭ, مادەنيەت جانە ونەر سالالارى­نىڭ, جالپى جۇرتشىلىقتىڭ وكىل­دەرى كوپتەپ قاتىستى. باس­قارما باستىعى كۇليا ايداربە­كوۆانىڭ بايانداماسى باستان-اياق وتكىر سىنعا قۇرىلدى. جارىس­سوزگە شىققاندار دا ناقتى-ناقتى ۇسىنىستار ءبىلدىرىپ, قۇندى-قۇندى وي-پىكىرلەر ورىستەتتى. وبلىس اكىمىنىڭ ورىنباسارى ءالي بەكتاەۆ وبلىستىق فيلارمونيانى, وبلىس­تىق قازاق دراما تەاترىن, ءازىل-سىقاق تەاترىن, جەتىساي دراما تەاترىن, تاعى باسقا دا ءبىرتالاي مەكەمەلەردى وڭتۇستىكتىڭ ونەر وردالارى دەۋدىڭ ءوزى كەي رەتتەردە ۇيات سياقتى سەزىلەتىنىن ايتىپ, قات­تى قىنجىلىس ءبىلدىردى. سونى­مەن قاتار, وبلىستىق مادەنيەت باس­قار­ماسى مەن اكىمدىكتەردىڭ, وزگە دە ءتيىستى ورىنداردىڭ جەرگىلىكتى اقىن-جازۋشىلارمەن بىرلەسە جۇ­مىس ىستەۋدى, قامقورلىق جا­ساۋدى مۇلدە ۇمىت قالدىرعانىن دا ەسكە سالدى. بۇدان بىرازىراق بۇرىن عانا وبلىستىق فيلارمونياعا ءداستۇرلى ءانشى مەيىربەك بەكباەۆتىڭ ديرەكتور, وب­لىس­تىق درامتەاترعا دا­رىندى رەجيسسەر ەر­عالي ورازىمبەتوۆتىڭ كور­كەمدىك جەتەكشى, سالي­قالى كادرلار سا­نا­تىن­داعى باستاربەك ءپى­رىم­بەتوۆتىڭ ديرەكتور, وپە­را جانە بالەت تەاترىنا تانىمال تالانت يەلەرى ءابدىحان نۇرما­عامبەتوۆ پەن ءيمانالى ساپاروۆ­تىڭ باسشى بوپ تا­عايىن­دال­عانىن, جالپى بيىل ءما­دەنيەت باسقارماسى بيۋد­جە­تىنىڭ 2 ميلليارد تەڭگەنى قۇراپ وتىر­عانىن ەسكەرسەك, وڭتۇستىك ونەرىندەگى قي­سالاڭداعان كوشتىڭ تەزدەتىپ تۇزە­لەرىنە سەنگىڭىز كەلەدى-اق. ەڭ باستىسى, سىن تۇزەلدى. «سىن تۇزەلمەي, ءمىن تۇزەل­مەيدىنى» قايران قازاق بەكەر ايتپاعان شىعار. مارحابات بايعۇت.