تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ «نۇر وتان» حالىقتىق-دەموكراتيالىق پارتياسىنىڭ كەزەكتى ءحىىى سەزىندە قازاقستاندىقتاردىڭ دەنساۋلىعىن نىعايتۋعا مەديتسينالىق قىزمەتكە قولجەتىمدىلىك پەن ساپانى ارتتىرۋعا قاتىستى اڭگىمەلەپ, 2013 جىلعا قاراي العاشقى مەديتسينالىق-سانيتارلىق كومەكتىڭ ساپاسىن جوعارىلاتاتىن ءبىرتۇتاس ۇلتتىق جۇيە قالىپتاستىرىلاتىندىعىن اتاپ كورسەتتى. ءبىزدىڭ سالانىڭ نىساندارى قارقىندى سالىنىپ, زاماناۋي قۇرال-جابدىقتار الىناتىندىعىن دا جەتكىزدى. ونىڭ ءبارى وسى سالا قىزمەتكەرلەرىن قۋانىشقا بولەپ, جۇمىسىمىزعا سونى سەرپىن بەرۋدە.
قامقورلىق دەمەكشى, كەشە وبلىس ورتالىعىنىڭ ىنتىماق الاڭىندا وبلىس اكىمى ق.كوشەرباەۆ وبلىستىق اۋرۋحانانىڭ باس دارىگەرى س.توراليەۆكە جىلجىمالى مەديتسينالىق كەشەننىڭ قۇجاتتارى مەن اۆتوكولىكتى سالتاناتتى تۇردە تابىس ەتتى. جاپونيادا جاسالعان قۇنى 86 ملن. تەڭگە تۇراتىن بۇل جىلجىمالى كەشەن ءتۇرلى سىرقاتتاردى ءدال انىقتاي الاتىن بىرنەشە زاماناۋي قۇرال-جابدىقتارمەن جابدىقتالعان. قاجەت كەزدەردە اۋىلدىق جەرلەرگە دە ەركىن بارا الادى.
وبلىس باسشىسى شالعايداعى ماڭعىستاۋ, بەينەۋ اۋداندارىنا دا ءدال وسىنداي ەكى كەشەن الىنىپ بەرىلەتىنىن جانە وبلىس ورتالىعىنا ءبىر تىكۇشاق ساتىپ الىناتىندىعىن جەتكىزىپ, سالا قىزمەتكەرلەرىنىڭ جۇمىسىنا تابىس تىلەدى. ال كومەك جايىنا كەلسەك, الدىڭعى كۇنى وبلىسىمىزعا استانا, الماتىدان كەلگەن مەديتسينالىق ارنايى جۇمىس توبى ءتۇرلى اقىل-كەڭەستەر بەرىپ, سەمينار وتكىزۋمەن قاتار, كەشە سول توپتاعى ەلىمىزدىڭ باس ونكولوگى ج.ارزىقۇلوۆ ماڭعىستاۋلىق ءبىر ازاماتتىڭ اسقازانىنداعى قاتەرلى ىسىككە ءساتتى وتا جاسادى.
وسى سالانىڭ بيۋدجەتى مەن قۇرىلىستارى جونىندە ايتساق, وتكەن جىلى سالا بيۋدجەتى 4 ملرد. تەڭگەنى قۇرادى. ءۇش اۋرۋحانا, ءبىر پەرزەنتحانا, وبلىستىق قان قۇيۋ ورتالىعى پايدالانۋعا بەرىلدى. جاقىن كۇندەرى فورت-شەۆچەنكودا اۋداندىق بالالار اۋرۋحاناسى مەن وبلىستىق ونكولوگيالىق ديسپانسەر قۇرىلىسى اياقتالادى. قامقورلىق ناتيجەسىندە جەرگىلىكتى ماماندارىمىز وتكەن جىلى ولكەدە تۇڭعىش رەت پروتەزدەۋ, نەيروحيرۋرگيا, وفتالمولوگيا سالاسىنىڭ جوعارى تەحنولوگيالىق تۇرلەرى بويىنشا ءتۇرلى كومەكتەر كورسەتىپ, حالىقارالىق دەڭگەيدە قارىم-قاتىناس جاساۋعا قول جەتتى.
وسىناۋ جۇمىستاردى الداعى كۇندەردە دە ەلباسى تاپسىرماسىنا وراي جاڭا ساتىعا كوتەرە بەرۋگە جۇمىستاناتىن بولامىز. وعان مۇمكىندىك مول. ىنتا-ءجىگەر دە بار. سەبەبى, مەملەكەت تاراپىنان جاقسى جاعداي جاسالىپ وتىر.
س.مۋسينوۆ, ماڭعىستاۋ وبلىستىق دەنساۋلىق ساقتاۋ باسقارماسىنىڭ باستىعى.