ەلىمىزدىڭ اسكەري سوتىنىڭ توراعاسى ساكەن ابدۋللاەۆ ورتالىق كوممۋنيكاتسيالار قىزمەتىندە وتكەن بريفينگتە قازاقستاننىڭ اسكەري سوت سالاسىندا زاماناۋي اقپاراتتىق تەحنولوگيالار كەڭىنەن قولدانىلا باستاعانىن مالىمدەدى.
«100 ناقتى قادام» ۇلت جوسپارىنىڭ 20-شى قادامىندا بارلىق سوت پروتسەستەرىن دىبىس-بەينە تىركەۋ قۇرىلعىلارىمەن قامتاماسىز ەتۋ تاپسىرماسى بەلگىلەنگەن. سوت تورەلىگىنىڭ اشىقتىعى مەن ونىڭ قولجەتىمدىلىگىنىڭ كورىنىسى رەتىندە باعالاناتىن مۇنداي جاڭاشىلدىقتى جۇزەگە اسىرۋ تۋرالى بايانداعان ساكەن جۇسىپاحمەت ۇلى جىلدىڭ العاشقى جارتىسىندا سوت پروتسەستەرىنىڭ 99,4% دىبىس-بەينە تىركەۋ جۇيەسىن قولدانۋمەن قارالعاندىعىن ايتتى.
«بۇگىنگى كۇنى اسكەري سوتتاردىڭ سوت وتىرىس زالدارىنىڭ 69,6%-ى دىبىس-بەينە تىركەۋ ءجۇيەسىمەن جابدىقتالعان. جىل سوڭىنا دەيىن بارلىق سوت وتىرىس زالدارىن تولىعىمەن دىبىس جانە بەينە تىركەۋ قۇرىلعىسىمەن جابدىقتاۋ جوسپارلانعان» – دەدى ول.
سونىمەن قاتار, بۇگىندە سوت وتىرىستارىنىڭ قاتىسۋشىلارىن حاباردار ەتۋ دە اۆتوماتتاندىرىلعان. وتىرىسقا قاتىسۋشىلار سوت كابينەتى, سمس-حابارلامالار, گيبريدتىك ەلەكتروندىق پوشتامەن قاتار, مەملەكەتتىك ورگاندار اراسىنداعى ەلەكتروندىق قۇجات اينالىم جۇيەلەرى ارقىلى حابارلاندىرۋ تەتىكتەرى ىسكە قوسىلعان.
قازىر سوتتار, سونىڭ ىشىندە اسكەري سوتتار دا بىرجاقتى ايىپتاۋدان ارىلا باستاعان. مۇنى سالاداعى سوڭعى ستاتيستيكالىق كورسەتكىشتەر دە ايعاقتايدى. ماسەلەن, ءبىرىنشى جارتىجىلدىقتا قارالعان قىلمىستىق ىستەر بويىنشا بارلىق تۇلعالاردىڭ 2,1%-ى اقتالعان. بۇدان باسقا, تاراپتاردىڭ تاتۋلاسۋىنا بايلانىستى قىلمىستىق جاۋاپتىلىقتان بوساتىلعان, مەرزىمىنىڭ ءوتىپ كەتۋىنە بايلانىستى قىسقارتىلعان, اقتاۋ نەگىزدەرى بويىنشا اياقتالعان قىلمىستىق ىستەر سانى الدىڭعى جىلمەن سالىستىرعاندا 12,6%-عا وسكەن. ەسەسىنە, قازىر ايىپپۇل, قوعامدىق جۇمىس, باس بوستاندىعىن شەكتەۋ جازالارى باسىمدىق الا باستاپتى.
سونداي-اق, بريفينگ سوڭىنا قاراي سپيكەرلەر باق وكىلدەرىنىڭ بىرقاتار ساۋالدارىنا جاۋاپ بەرە كەلە, اسكەري سوت توراعاسى وتكەن جىلى اقتاۋدا وقۋ-جاتتىعۋ كەزiندە ورىن العان 4 اسكەري ازاماتتىڭ قازاسىنا قاتىستى قىلمىستىق iس الداعى كۇندەرى سوت قاراۋىنا تۇسەتiندىگىن ايتتى. «قازiرگi ۋاقىتتا ماماندار قىلمىستىق iس ماتەريالدارىمەن تانىسۋدا. باس اسكەري پروكۋراتۋرانىڭ مالىمەتىنشە 10 كۇن iشiندە قىلمىستىق iس اقتاۋ گارنيزونىنىڭ اسكەري سوتىنا جiبەرiلۋi ءتيىس» – دەدى ساكەن جۇسىپاحمەت ۇلى.
نۇرلىبەك دوسىباي,
«ەگەمەن قازاقستان»