بەلارۋستىق الىپ كۇش يەسى كيريلل شيمكو تاعى دا رەكورد جاڭارتتى. بۇل جولى ول سالماعى 50 تونناعا جۋىقتايتىن مي-26 تىكۇشاعىن 20 مەترگە سۇيرەپ باردى.
رەكوردشى جاڭا جەتىستىگىن ءوز ەلىندەگى قۇتقارۋشىلاردىڭ كاسىبي مەرەكەسىنە ارناپتى. ءدال وسى تىكۇشاقتى كەزىندە گولليۆۋدتىڭ ايگىلى «شاعىلمايتىن جاڭعاق» ءفيلمىن ءتۇسىرۋ ءۇشىن كينوگەرلەر بەلارۋستىڭ توتەنشە جاعدايلار مينيسترلىگىنەن جالعا العانىن ايتا كەتۋ كەرەك.
كيريلل شيمكو بۇعان دەيىن 55 توننالىق بەلاز جۇك كولىگىن, 119 توننا تارتاتىن مۇنارالى كراندى جىلجىتىپ, گيننەستىڭ رەكوردتار كىتابىنا تىركەلگەن بولاتىن.
نۇريسلام اسقار