[caption id="attachment_52927" align="aligncenter" width="560"] فوتو: etoday.ru[/caption]
Verizon Communication Inc باسشىلىعى Yahoo كومپانياسىن 4,8 ميلليارد دوللارعا ساتىپ الۋ جونىندە كەلىسىمگە كەلدى. aa.com.tr اقپارى بويىنشا كەلىسسوزدەر وتكەن جۇمادان بەرى ءجۇرىپ جاتىر.
Verizon باسشىلىعى بۇل تۋرالى رەسمي حابارلاۋدان ازىرگە باس تارتتى. ال Yahoo بيىلعى جىلدىڭ ەكىنشى توقسانىندا 440 ميلليون دوللارعا شىعىندالعانىن مالىمدەدى. Verizon بۇدان بولەك America Line AOL كومپانياسىن 4,4 ميلليارد دوللارعا ساتىپ الۋ جونىندە كەلىسىمگە كەلدى.
Yahoo – ينتەرنەتتەن ىزدەۋ جۇيەسى بويىنشا تانىمالدىعى جاعىنان الەمدەگى ەكىنشى كومپانيا. ونىڭ نەگىزىن 1994 جىلدىڭ باسىندا اقش-تىڭ ستەنفورد ۋنيۆەرسيتەتىنىڭ اسپيرانتتارى دەۆيد فايلو مەن دجەرري يانگ قالاعان. ال 1995 جىلدىڭ 2 ناۋرىزىندا ۇلكەن كورپوراتسياعا اينالدىردى. بۇگىندە ونىڭ شتاب-پاتەرى ساننيۆەيل قالاسىندا ورنالاسقان.