6 اقپان كۇنى الماتى قالاسىندا تەك قازاقستان ءۇشىن عانا ەمەس, بارشا ازيا قۇرلىعى مەن الەمدىك وليمپيادالىق قوزعالىس ءۇشىن ءسوزسىز ەرەكشە وقيعاعا اينالعان VII قىسقى ازيا ويىندارىنىڭ جابىلۋ سالتاناتى بولدى.
العاش رەت ازيادادا 11 سپورت تۇرىنەن 69 جيىنتىق ناگرادا تىگىلدى. جۇلدە بولىسۋگە قاتارىندا الەم چەمپيوناتتارى مەن وليمپيا ويىندارى جۇلدەگەرلەرى بار ازيانىڭ 27 مەملەكەتىنەن 1000-عا جۋىق سپورتشى قاتىستى. ويىندار بارىسىندا قۇرلىقتىق 10 رەكورد جاڭاردى.
VII قىسقى ازيا ويىندارى الەمدىك اقپارات اعىنىنىڭ نازارىن وزىنە قاراي بۇردى. الەمنىڭ 500 ملن. تۇرعىنى جارىستاردى ءجىتى باقىلاپ, 20-دان استام الەمدىك تەلەارنالار, 17 ەلدىڭ 2 مىڭنان استام تىلشىلەرى سپورتتاعى ارپالىستى جاھانعا تاراتتى.
قازاقستان قۇراماسى 70 مەدال, ونىڭ ىشىندە 32 التىن, 21 كۇمىس, 17 قولا مەدالداردى جەڭىپ الىپ, قىسقى ازيا ويىندارىنىڭ تاريحىندا جاڭا رەكوردتى بەكىتتى. بۇل – ءبىزدىڭ سپورتشىلارىمىزدىڭ الەمدىك دەڭگەيدەگى بەلەستەردى باعىندىرۋعا دايىن ەكەنىن كورسەتەتىن كەرەمەت جەتىستىك.
قازاقستاندىق سپورتشىلاردىڭ جەڭىسى مەملەكەت باسشىسىنىڭ ەلىمىزدەگى بۇقارالىق سپورتتى دامىتۋعا قامقورلىعىنىڭ ايقىن كورىنىسى. ازياداعا دايىندىق بارىسىندا بۇگىندە ەلدىڭ يگىلىگىنە اينالعان الەمدىك دەڭگەيدەگى ونداعان سپورت كەشەندەرى سالىنىپ, كۇردەلى جوندەۋدەن ءوتتى, ولاردىڭ كەيبىرى الەمدە تەڭدەسى جوق قۇرىلىس جوبالارى بولىپ تابىلادى.
VII ازيادا قازاقستاندى الەمدىك قوعامداستىققا جاڭا قىرىنان, ياعني تەك بەيبىتشىلىك پەن كەلىسىمنىڭ وتانى, سەنىمدى ەكونوميكالىق دامۋ مەن حالىقارالىق ارىپتەس رەتىندە عانا ەمەس, سپورت دەرجاۆاسى رەتىندە تانىتتى.
ازيادانى وتكىزۋ قازاقستاننىڭ ازياداعى بەيبىتشىلىك پەن دوستىقتى نىعايتۋداعى جاڭا قادامى بولىپ تابىلادى.
VII قىسقى ازيا ويىندارىنداعى جەتىستىگىمىز – بۇل نۇرسۇلتان ءابىش ۇلى نازارباەۆتىڭ ساياساتىنىڭ, اۋىزبىرشىلىگى مول قازاقستان حالقىنىڭ جەتىستىگى, ەلىمىز تاۋەلسىزدىگىنىڭ 20 جىلدىعىنا ۇلكەن سىي.
قازاقستان حالقى اسسامبلەياسى بارلىق وتانداستارىمىزدى ءبىزدىڭ ۇلتتىق قۇرامامىزدىڭ جارقىن جەڭىسىمەن قۇتتىقتايدى!
جالپىكوماندالىق ەسەپتە ءبىزدىڭ قۇرامامىزدىڭ العا شىعۋى رۋحتىڭ كۇشىن, جەڭىسكە دەگەن جىگەردى, ءوتانسۇيگىشتىك پەن حالقىمىزدىڭ بىرلىگىن تاعى دا ايقىن دالەلدەپ بەردى. ءبىزدىڭ جەڭىسىمىز – ەرلىك پەن جىگەردىڭ جانە تۇتاستىقتىڭ, تاۋەلسىزدىك پەن بىرلىكتىڭ ۇلگىسى.
وسى ايتۋلى كۇندەر بويى ۇلتتىق قۇرامانىڭ سپورتشىلارى ءبىزدىڭ ۇلتتىق ماقتانىشىمىز ءۇشىن, ەل نامىسى ءۇشىن كۇرەستى جانە جەڭىسكە جەتتى!
بۇل جەڭىس قازاقستاننىڭ الەمدىك ساياسات نەمەسە سپورت سالاسىنداعى كەز كەلگەن حالىقارالىق شارانى لايىقتى دەڭگەيدە ىسكە اسىرا الاتىنىنا سەنىمدى نىعايتىپ ءاربىر ازاماتتىڭ جۇرەگىنە ءوز ەلىنە دەگەن ماقتانىش سەزىمىن تولتىردى.
قازاقستان حالقى اسسامبلەياسى وسى جەڭىس بارشا حالىقتى تۇڭعىش پرەزيدەنت, ۇلت كوشباسشىسى نۇرسۇلتان ءابىش ۇلى نازارباەۆتىڭ باسشىلىعىمەن ءالدى دە اۋقاتتى, ءوسىپ-وركەندەگەن قازاقستان قۇرۋ جولىندا تاعى ءبىر بىرىكتىرۋشى فاكتور بولاتىنىنا سەنىمدى!
قازاقستان حالقى اسسامبلەياسىنىڭ كەڭەسى.