تاراز مەملەكەتتىك پەداگوگيكالىق ينستيتۋتىندا «مىرزاتاي جولداسبەكوۆ وقۋلارى» ءوتتى. ەل تاۋەلسىزدىگىنىڭ 25 جىلدىعىنا وراي ۇيىمداستىرىلعان ءىس-شاراعا وقۋ ورنىنىڭ پروفەسسور-وقىتۋشىلارى مەن ستۋدەنتتەرى بەلسەنە قاتىستى.
ءىس-شارانىڭ ماقساتى – ۇلتتىڭ زياتكەرلىك جانە رۋحاني الەۋەتىن كوتەرۋگە جاستاردى تارتۋ, ستۋدەنتتەردىڭ كىتاپ وقۋىنا جان-جاقتى قولداۋ كورسەتۋ.
«قازاق مادەنيەتىنىڭ قارا نارى» تاقىرىبىندا مىرزاتاي جولداسبەكوۆتىڭ ءومىرى مەن شىعارماشىلىعىنا ارنالعان ستۋدەنتتەر اراسىنداعى ەسسە بايقاۋى ءوتىپ, وندا تارمپي ستۋدەنتى نۇرگۇل پۋلاتوۆا ۇزدىك دەپ تانىلدى. ال قۇرالاي ءابدىنازاروۆا مەن نازەركە اجەتوۆا ەكىنشى جانە ءۇشىنشى ورىنعا يە بولدى.
فيلولوگيا فاكۋلتەتىنىڭ ۇيىمداستىرۋىمەن وتكەن شارانىڭ ەكىنشى كۇنىندە «ماڭگىلىك ەل يدەياسى: ۇلت تۇلعالارى» تاقىرىبىندا قازاق فيلولوگياسى كافەدراسىنىڭ پروفەسسورلارى تۇرسىناي ابدىقادىروۆا مەن رۇستەم سادىقبەكوۆ ستۋدەنتتەرگە ءدارىس وقىدى. مىرزاتاي جولداسبەكوۆ اتىنداعى حالىقارالىق بايلانىستار جانە اكادەميالىق ۇتقىرلىق ورتالىعىندا وتكەن دارىستە لەكتورلار پروفەسسور جونىندەگى ەستەلىكتەرىمەن ءبولىسىپ, ونىڭ شىعارماشىلىعىنىڭ «ماڭگىلىك ەل» يدەياسىمەن استاسىپ جاتاتىنىن تىلگە تيەك ەتتى.
جانداربەك اسان,
تارمپي اقپاراتتىق-يميدجدىك ءبولىمىنىڭ جەتەكشىسى