الماتى. 27 مامىر. قازاقستان ۆەلوسپورت فەدەراتسياسىنىڭ ۆيتسە-پرەزيدەنتى, بەلگىلى كاسىپكەر رايىمبەك باتالوۆ سەنبى, جەكسەنبى كۇندەرى قالا اۋماعىندا ءتورت باعىتتا كولىك ءجۇرىسىن شەكتەپ, ۆەلوسيپەدكە جول اشۋدى ۇسىندى. بۇل تۋرالى tengrinews.kz-كە سىلتەمە جاساعان egemen.kz ءتىلشىسى حابارلادى.
كاسىپكەردىڭ ۇسىنىسىن قىزۋ قولداعان «ۆەلودوستار» قاۋىمداستىعى قالانىڭ يندۋستريالدى اۋماعىنداعى باۋىرجان مومىش ۇلى كوشەسىنە, ۇلكەن الماتى سۋ ارناسىن جاعالاپ سالىنعان جولعا, قاپشاعاي باعىتىنداعى تراسساعا, الاتاۋ بوكتەرىن شىعىستان باتىسقا كولبەي جاتقان سوقپاققا نازار اۋدارىپ وتىر.
سونىمەن قاتار, رايىمبەك باتالوۆ قالادا جاڭادان ۆەلوترەك عيماراتىن سالۋ ءۇشىن 250 ميلليون تەڭگە بولگەنىن, ءدال وسىنشاما سومانى قالا اكىمدىگى بولۋگە ىنتالى بولىپ وتىرعانى جايلى دا مالىمدەدى.
ۆەلوسيپەدسۇيەر قاۋىم جوبالىق بۇل ۇسىنىستاردىڭ الماتى قالاسىنىڭ ەكولوگيالىق جاعدايىن جاقسارتۋعا زور سەپتىگىن تيگىزەتىنىنە سەنىمدى.
تالعات ءسۇيىنباي.
دەرەك, سۋرەت: tengrinews.kz.