تاريح • 31 مامىر, 2017
ەلىمىز تاۋەلسىزدىك العان سوڭ تاۋبەمىزگە كەلىپ, ولگەنىمىز تىرىلگەندەي, وشكەنىمىز جانعانداي كۇيدى باستان كەشتىك. تىرىلگەنى سول – توتاليتارلىق جۇيەنىڭ قۇربانى بولعان تۇلعالارىمىز اقتالدى. جانعانى سول – كەڭەس وكىمەتى بۇركەمەلەپ كەلگەن اششى شىندىق ايتىلا باستادى. تاۋەلسىز قازاقستاننىڭ ەڭ الدىمەن قولعا العان ىرگەلى ءىسىنىڭ ءبىرى اقتاڭداق جىلداردىڭ اقيقاتىن اقتارۋعا باعىتتالدى. ءسويتىپ, 1993 جىلعى 14 ساۋىردە «جاپپاي ساياسي قۋعىن-سۇرگىن قۇرباندارىن اقتاۋ تۋرالى» زاڭ قابىلداندى. وسىدان جيىرما جىل بۇرىن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ 31 مامىردى ساياسي قۋعىن-سۇرگىن قۇرباندارىن ەسكە الۋ كۇنى دەپ بەكىتتى. سوڭعى ءتورت جىلدان بەرى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى رەتىندە اتالىپ ءوتىلىپ كەلەدى. مىنە, سودان بەرى ازاتتىق جولىندا قۇربان بولعانداردى ەسكە الىپ, تاريحتىڭ قاسىرەتتى كەزەڭى تۋرالى دەرەكتەر توڭىرەگىندە ءسوز بولادى.
تاعدىردىڭ تالاي تەپەرىشىنەن ءوتىپ, ازات كۇنگە, اڭسارلى ارمانىنا قول جەتكىزگەن ەلىمىز ءۇشىن بۇگىن اسا ماڭىزدى كۇن. بۇكىل قازاقستان حالقى ەلباسى نۇرسۇلتان نازارباەۆتىڭ وسىدان تۋرا 20 جىل بۇرىن ارنايى جارلىعىمەن بەكىتىلگەن اتاۋلى داتا – 31 مامىردا ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىن اتاپ وتەدى.
«ءۇش جىلدا 372 كوتەرىلىس بولدى»
«نە كورمەدىك؟!» دەگەن تۇرمىستىڭ اۋىرتپالىعىنان قاجىعان قايرانسىز داۋىستىڭ ار جاعىندا اۋىر تاعدىردىڭ جاتقانىن دا سەزىنەسىڭ. تاۋەلسىزدىككە قول جەتكەن زاماندا وتكەنگە كوز تاستاساڭىز, سولاي كۇبىرلەرىڭىز حاق. ساياسي-قۋعىن سۇرگىن, اشارشىلىق قۇرباندارىن ەسكە الار ساتىمىزدە تاريح عىلىمدارىنىڭ دوكتورى, پروفەسسور تالاس وماربەكوۆپەن اڭگىمەلەسكەن ەدىك.
قازاقستان • 31 مامىر, 2017
«نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەدتىڭ جەتەكشىلىگىمەن پارتيا دەلەگاتسياسى جاپونياعا باردى. ساپاردىڭ باستى ماقساتى – حالىقارالىق جانە پارتياارالىق ىنتىماقتاستىقتى نىعايتۋ جانە ەلدىڭ باستى ساياسي كۇشى ليبەرالدى-دەموكراتيالىق پارتيامەن تىعىز قارىم-قاتىناس ورناتۋ. سونداي-اق, وتكەن جىلدىڭ قاراشا ايىندا قازاقستان پرەزيدەنتىنىڭ جاپونياعا جاساعان ساپارىنىڭ ناتيجەسىندە قول جەتكەن ارىپتەستىكتى ودان ءارى كۇشەيتىپ, ونىڭ اياسىن كەڭەيتۋ.
ادەبيەت • 31 مامىر, 2017
ول – قازاق ءتىلىنىڭ ۇلكەن جاناشىرى. انا ءتىلىنىڭ قاعا بەرىستە قالعان تۇستارىن اڭعارىپ قالسا, ونى كوتەرەرلىك ءبىر شارالار ويلاپ, ءىستىڭ تەتىگىن تاۋىپ كەتەدى. مەكتەپتەرگە ءجيى بارىپ, سورەلەرى بوساپ قالعان كىتاپحانالاردى قازاق اقىن-جازۋشىلارىنىڭ شىعارمالارىمەن تولىقتىرىپ, اۆتورلارمەن كەزدەسۋ ۇيىمداستىرۋ – ونىڭ نەگىزگى باعدارلاماسىنىڭ ءبىرى. ءتىل رەفورماسى جايلى ماقالالار جازىپ تۇرادى.
