تۇلعا • 21 قاڭتار, 2024
قازاق بەينەلەۋ ونەرىنىڭ نەگىزىن قالاعان العاشقى كاسىبي سۋرەتشى ءابىلحان قاستەەۆتىڭ تۋعانىنا 120 جىل تولۋىنا وراي جوسپارلانعان مادەني ءىس-شارالار شەرۋى الماتىداعى كەسكىندەمە ونەرىنىڭ كەمەڭگەرى اتىنداعى ونەر ورداسىنىڭ وزىنەن باستاۋ الدى. سانالى عۇمىرىندا 4000-عا جۋىق تۋىندى جازعان ايگىلى قىلقالام شەبەرىنىڭ 400-دەن اسا كوركەم شىعارماسى ءوز ەسىمىن يەلەنگەن بۇگىنگى ءابىلحان قاستەەۆ اتىنداعى مەملەكەتتىك ونەر مۋزەيىنىڭ قورىندا ساقتاۋلى تۇر. مۋزەي قىزمەتكەرلەرى بىرنەشە اي بويى ازىرلەگەن «عاسىر مۇراسى» اتتى بۇل كورمەگە كلاسسيك سۋرەتشىنىڭ 1930-1970 جىلدار ارالىعىندا سالعان 300-گە جۋىق كوركەم جانە گرافيكالىق كارتيناسىن ەل نازارىنا ۇسىندى. ءا.قاستەەۆتىڭ تۋىندىلارى كەڭەستىك قازاقستاننىڭ كوركەم شەجىرەسى, تاريحي جىلناماسى ىسپەتتى. بۇل جۇمىستاردا حح عاسىرداعى رەسپۋبليكادا بولعان, كوشپەلى حالىقتىڭ ءداستۇرلى ءومىر سالتىن تۇبەگەيلى وزگەرتكەن بارلىق ماڭىزدى تاريحي وقيعا كورىنىس تاپقان.
جانۋارلار • 21 قاڭتار, 2024
ءبىر-ەكى جىل بۇرىن ماڭعىستاۋ دالاسىنان قىزىل قاسقىر كەزىككەن ەدى. بيىل «قىزىلساي» ساياباعىنىڭ قىزمەتكەرلەرى بەينەكامەراسىنا بەينەۋ اۋدانىنداعى ءۇستىرتتىڭ باتىس شىڭىنىڭ سولتۇستىك شەتىندە ورنالاسقان «ماناشى» جەرگىلىكتى ماڭىزى بار مەملەكەتتىك كەشەندى تابيعي قورىعى اۋماعىنان اق قاسقىر ىلىكتى. مۇنداي وقيعا ايماقتا وتە سيرەك كەزدەسەتىندىكتەن, جەلى ارقىلى جاريا بولعان جاڭالىققا جۇرت ەلەڭ ەتە قالدى.
پىكىر • 21 قاڭتار, 2024
پرەزيدەنت قاسىم-جومارت توقاەۆ «Egemen Qazaqstan» گازەتىنە بەرگەن سۇحباتىندا ەلىمىزدىڭ بىرنەشە بەدەلدى حالىقارالىق ۇيىمعا, ونىڭ ىشىندە ارالدى قۇتقارۋ حالىقارالىق قورىنا توراعالىق ەتەتىنىن ايتتى. ال بۇل قوردىڭ قۇرىلۋى وڭاي بولماعانى باسى-قاسىندا ورىنداۋشى قىزمەتىن اتقارعان بىزگە ايان. 1991-1994 جىلدارى پرەزيدەنت اپپاراتى مەن مينيسترلەر كابينەتىندە ەكولوگيا جانە تابيعاتتى پايدالانۋ ءبولىمى بولدى, وندا مەڭگەرۋشىلىك قىزمەتىن اتقارعان ەدىم. سول جىلدارى كوپتەگەن اۋقىمدى جۇمىس اتقارىلدى. سونىڭ ءبىرى – ارال پروبلەماسىن الەمگە تانىتۋ, ينۆەستيتسيا تارتۋ بولدى.
تەننيس • 21 قاڭتار, 2024
Australian Open: بىردە-ءبىر تەننيسشىمىز قالمادى
قازاقستاننىڭ ءبىرىنشى, الەمنىڭ 3-راكەتكاسى ەلەنا رىباكينا اۋستراليا اشىق چەمپيوناتىنىڭ ءۇشىنشى اينالىمىنا شىعا المادى.
سپورت • 21 قاڭتار, 2024
2009 جىلى استاناعا باسكەتبولدان قازاقتان شىققان تۇڭعىش وليمپيادا چەمپيونى ءالجان جارمۇحامەدوۆ كەلدى. 1972 جىلى كسرو قۇراماسى ساپىندا ميۋنحەن وليمپياداسىنىڭ جەڭىمپازى بولعان ءالجان اعامىز باق وكىلدەرىنە بەرگەن سۇحباتىندا: «مەن تاشكەنتكە جاقىن تاباقساي اۋىلىندا دۇنيەگە كەلدىم. اكەمە جازدا ءۇي سالۋعا كومەكتەسەتىنمىن. بەسىنشى سىنىپتان باستاپ ماقتا تەرۋگە باراتىنمىن», دەگەنى ءالى ەسىمىزدە.
