ىشكى قاۋىپسىزدىك
قوعام • 06 ناۋرىز, 2024
سىبايلاس جەمقورلىقپەن كۇرەس − ورتاق مىندەت
ءتۇپ-تامىرىمەن دەندەپ كەتكەن جەمقورلىقتىڭ ادىمىن باسۋ وڭاي بولماي تۇر. قوعامنىڭ قاي بۇرىشىن دا قامتىعان بۇل دەرتتىڭ ەمى بار ما ءوزى؟! جەمقورلارعا جازانى ارتتىرىپ, ايىپپۇل مولشەرىن وسىرگەنىمىزبەن, جۇرتتىڭ قارجىسىن قالتاعا باساتىنداردىڭ سانى ازايعان جوق. كەرىسىنشە اسقىنىپ بارا جاتقانداي كورىنەدى. ارينە بۇل رەتتە سىبايلاس جەمقورلىققا قارسى ءىس-قيمىل اگەنتتىگىنىڭ اتقارىپ جاتقان قىزمەتىن جوققا شىعارۋعا بولمايدى. ولار اشكەرەلەگەن جەمقورلار قانشا, ءالى اشىلماعان قىلمىس قانشا؟ ءالى ءبىرتالاي ءىس تەرگەپ-تەكسەرىلىپ جاتقانى, سونداي-اق بەيمالىم جاعدايلارى دا بارى بەلگىلى.
