سكرينينگتىك تەكسەرۋلەر
مەديتسينا • بۇگىن, 11:12
اۋىرمايتىن جول ىزدە: پروفيلاكتيكالىق مادەنيەت قالىپتاسىپ كەلە مە؟
دۇنيەجۇزىلىك دەنساۋلىق ساقتاۋ ۇيىمى (ددس) اۋرۋدىڭ الدىن الۋ ەمدەۋدەن الدەقايدا ءتيىمدى ءارى ەكونوميكالىق تۇرعىدان ۇتىمدى ەكەنىن الدەقاشان دالەلدەگەن. قازاقستاندا دا سكرينينگتىك باعدارلامالار جۇيەلى جۇرگىزىلىپ جاتىر. بۇرىنىرىقتا دەنساۋلىق تۋرالى ءسوز قوزعالسا, «اۋىرساق ەمدەلەمىز» دەگەن ءسوزدى كوبىرەك ەستىسەڭىز, سوڭعى جىلدارى سىرقاتتىڭ الدىن الۋ جانە ەرتە انىقتاۋ ءارى سالاۋاتتى ءومىر سالتىن ۇستانۋ ماسەلەلەرى ءجيى ايتىلىپ, پروفيلاكتيكالىق مادەنيەتكە بەتبۇرىس بايقالا باستاعان. تۇرعىنداردىڭ (اسىرەسە, ءىرى قالالاردا) جىل سايىنعى كەشەندى تەكسەرۋدەن ءوتۋدى ادەتكە اينالدىرا باستاۋى – جەكە جاۋاپكەرشىلىكتىڭ كۇشەيىپ كەلە جاتقانىنىڭ ايعاعى, دەپ جازادى Egemen.kz.
