ورىن تاپشى
ءبىلىم • بۇگىن, 11:33
استانا مەكتەپتەرىندەگى ورىن تاپشىلىعى ماسەلەسى قالاي شەشىلمەك؟
استانا قالاسىندا ءۇي ماڭايىنداعى مەكتەپكە بالانى ورنالاستىرۋ وڭاي ەمەس. ءبىلىم ورداسى الدىمەن تۇرعىلىقتى مەكەنجايدان تىركەۋ سۇراتادى. مۇقيات تەكسەرىستەن وتكەن سوڭ, بالا سىنىپتاعى 30-دان اسا وقۋشىنىڭ قاتارىنا قوسىلادى. قازىر كوپ مەكتەپتەگى جاعداي – وسى. مەكتەپتەردە ورىن تاپشى. جالپى بىلتىرعى وقۋ جىلىندا 20 مىڭنان اسا بالاعا ورىن جەتىسپەۋشىلىگى سەزىلگەن. بۇگىندە 1 200 ورىندىققا ارنالعان ءبىلىم وردالارىندا 4 مىڭعا جۋىق بالا وقيدى. جىل سايىن جاڭا مەكتەپتەردىڭ سانى ارتقانىمەن بۇل ماسەلەنى تولىق شەشە الماي وتىر. وسى ماسەلەگە قاتىستى Egemen.kz ءتىلشىسى قالالىق ءبىلىم باسقارماسىنا حابارلاسقان بولاتىن.
