باعا ءوسۋى
قوعام • بۇگىن, 16:52
ەلىمىزدە ءدارى-دارمەك باعاسى قىمباتتادى جانە تاپشىلىق بايقالۋدا: سەبەبى نەدە؟
قازاقستاندا 2026 جىلدىڭ باسىنان باستاپ ءدارى-دارمەك جەتكىزۋشىلەرگە قاتىستى سالىق كودەكسىنىڭ جاڭارتىلعان نورمالارى كۇشىنە ەندى. ناتيجەسىندە كوممەرتسيالىق سەگمەنتتە ءدارى ساتاتىن كوتەرمە جانە بولشەك كومپانيالار ەندى بەلگىلەنگەن باعانىڭ 5% مولشەرىندە قوسىلعان قۇن سالىعىن (ققس) تولەيدى. 2027 جىلدان باستاپ بۇل مولشەرلەمە 10%-عا دەيىن وسەدى. بۇل تالاپ تەگىن مەديتسينالىق كومەكتىڭ كەپىلدىك بەرىلگەن كولەمى (تمككك), مىندەتتى الەۋمەتتىك مەديتسينالىق ساقتاندىرۋ ء(مامس) اياسىندا جەتكىزىلەتىن جانە ورفاندىق اۋرۋلاردى ەمدەۋگە ارنالعان پرەپاراتتارعا قولدانىلمايدى, دەپ جازادى Egemen.kz.
