حەمينگۋەي
ادەبيەت • 05 جەلتوقسان, 2021
ونىڭ اپپاق ساقالى سانتا كلاۋستىڭ ساقالىنا ۇقسايدى. ول دۇنيەجۇزىلىك ەكى بىردەي ۇلى سوعىستى كورىپ, قان مايداندا قالام ۇستاعان جازۋشى. شىعارماسىن كەيدە ساۋ, كەيدە ماس كۇيىندە جازدى. بىراق بىردە-ءبىر تۋىندىسىندا وقىرمانىن جالىقتىرعان ەمەس. قالام مەن قارۋدى سەرىك ەتكەن ول تانزانيادا اڭشىلىققا شىعىپ, مۇيىزتۇمسىقتاردى اۋلادى. بىلعارى قولعاپ كيىپ, بوكس ونەرىمەن اينالىستى. تاعدىر ونى بىرنەشە ۇشاق اپاتىنان امان الىپ قالدى. ەڭ ماڭىزدىسى, ول ولمەس شىعارمالار جازىپ, ادامزات تاريحىنداعى ەڭ كەرەمەت جازۋشىعا اينالدى. ونىڭ اتى – ەرنەست حەمينگۋەي. ونىڭ تارپاڭ تاعدىرى ءارتۇرلى قيىندىقتارعا مويىماي, سونى جەڭۋمەن كۇرەسە الدى. ءبىر سوزبەن ايتقاندا, ەرنەستتىڭ قالامى ونىڭ ءوزىنىڭ مىنەزى سياقتى تەنتەك, ويى ول كەزگەن ۇلان-عايىر القاپقا ۇقساس ۇشى-قيىرسىز بولدى.
