وليمپيادالىق تسيكل
سپورت • 17 تامىز, 2025
سپورت – دەنە قوزعالىسى عانا ەمەس, رۋحتى شىڭداپ, وي شيراتاتىن ءومىر سالتى. بۇگىندە سپورت سايىستان بولەك, مەملەكەتتىڭ ءيميدجىن قالىپتاستىرىپ, تۋريست تارتاتىن, ەل الەۋەتىن الەمگە پاش ەتەتىن, ازاماتتاردى سالاۋاتتى ءومىر سالتىنا ۇندەيتىن سالا. مۇندا سپورتشى مەن جانكۇيەر ءبىرتۇتاس ادامعا اينالىپ, سۇرىنگەندە بىرگە اياققا تۇرادى, جەڭىس تۇعىرىنا بىرگە كوتەرىلەدى. وسىنداي كەڭ اۋقىمدى سىيدىرىپ تۇرعان سپورت جارقىن ەموتسيا سىيلايتىنى ءۇشىن - سۇيىكتى ءىس, تەرەڭ قىزىعۋشىلىق. جەكە, كوماندالىق, ەكسترەمالدى سپورتتىڭ قاي تۇرىندە بولسىن جەڭىس جۇيەلى ەڭبەكپەن كەلەدى. سپورتشى, باپكەر, عىلىمي شتاب, سپورتتىق مەديتسينا دارىگەرلەرى مەن مەملەكەت, قولداۋشى بىرىككەندە, جۇلدە قولعا ىلىگەدى. وسى ميسسيانى ورىنداۋ شەڭبەرىندە وڭىرلەردە سپورتتىق نىساندار سالىنىپ, بالالاردى سەكتسيالارمەن قامتۋ ءۇشىن بىرىڭعاي ۆاۋچەر ەنگىزىلگەن, دەپ جازادى Egemen.kz.
