نادەجدا پارەتسكايا
قىسقى سپورت • بۇگىن, 12:22
نادەجدا پارەتسكايا داۋى: ءبىزدىڭ تورەشى شايدوروۆ پەن سامودەلكينانىڭ ونەرىن ادەيى تومەن باعالادى ما؟
يتاليانىڭ قوس قالاسىندا وتكەن ميلان-كورتينا-2026 وليمپياداسى مارەسىنە جەتكەنمەن, تورتجىلدىق تارتىسىنا قاتىستى تالقى مەن پىكىر قايشىلىعى تولاستاماي تۇر. سونداي تالاستىڭ ءبىرى وليمپيادا باعدارلاماسىندا مانەرلەپ سىرعاناۋ بويىنشا قازىلىق ەتكەن نادەجدا پارەتسكايانىڭ شەشىمدەرى اينالاسىندا تۋدى. كەيىنگى كۇندەرى الەۋمەتتىك جەلى قولدانۋشىلارى «قازاقستان مانەرلەپ سىرعاناۋ وداعى» رەسپۋبليكالىق قوعامدىق بىرلەستىگىنىڭ الماتى فيليالىن باسقاراتىن ماماندى ءدۇبىرلى دودادا رەسەيلىك سپورتشىعا بۇيرەگى بۇرىپ تۇردى دەپ ايىپتاپ جاتىر. جەلىدە جەلدەي ەسكەن جازبا اۆتورلارىنىڭ پىكىرىنشە, نادەجدا پارەتسكايا ءتورت اينالىمدى سەكىرۋدە سۇرىنگەن رەسەي وكىلى ادەليا پەتروسيانعا نەگىزسىز جوعارى بالل قويىپ, وتانداستارىمىز سوفيا سومادەلكينا مەن ميحايل شايدوروۆتىڭ ونەرىن لايىقتى باعالاماعان, دەپ جازادى Egemen.kz.
