مۋزەي ءتۇنى اكتسياسى
مادەنيەت • 19 مامىر, 2025
ەلىمىزدە «مۋزەي ءتۇنى – 2025» اكتسياسى قالاي ءوتتى
18 مامىر الەم بويىنشا «حالىقارالىق مۋزەي» كۇنى اتالىپ ءوتىلدى. ايتۋلى داتانى ەلىمىزدەگى مادەني مەكەندەر «مۋزەي ءتۇنى – 2025» اكتسياسىمەن ايشىقتادى. بۇل كۇندى كەلۋشىلەر كوڭىلىن بۇرىپ, تاڭعاجايىپ ءتۇن فورماتىندا وتكىزۋ قازاقستاندا 2006 جىلدان قالىپتاستى. قر ورتالىق مۋزەيىنىڭ وسى باستاماسى بۇگىندە بۇلجىماس داستۇرگە اينالىپ, وسى جىلى جيىرماسىنشى رەت ۇيىمداستىرىلدى. قازىر ەل بويىنشا 294 مۋزەي جۇمىس ىستەپ تۇر. وتكەننىڭ ورنەگىن بۇگىنگە جەتكىزىپ, بولاشاققا اماناتتار ورىنداردا 4,5 ملن جادىگەر ساقتاۋلى. مادەنيەت جانە اقپارات مينيسترلىگىنىڭ مالىمەتىنشە, بىلتىر قازاقستان مۋزەيلەرىنىڭ تابالدىرىعىن 6,6 ميلليوننان استام ادام اتتاعان, دەپ جازادى Egemen.kz.
